АНУ-ын Геологийн судалгааны хүрээлэнгээс мэдээлснээр өнөөдөр өглөөний 6.40 цагт Индонезийн Папуа мужид 7.0 баллын хүчтэй газар хөдөлсөн тухай “www.dailymail.co.uk” мэдээллээ. Газар хөдлөлтийн голомт нийслэл Жакартагаас 250 км-ийн гүнд болжээ.

Гэнэтийн байгалийн гамшгийн үеэр 10 гаруй байшин нурж, 52 хүн гэмтсэн байна. Албаны хүмүүсийн мэдээлснээр газар хөдлөлтийн уршгаар цунами үүсээгүй ч хүчтэй доргилт мэдрэгдсэн гэв. Орон нутгийн хэвлэлийн дамжуулснаар газар хөдлөлт болсон бүс нутагт их хэмжээний бороо орж, хөрсний гулгалт үүсч 19 хүн гэмтсэн гэв.

Энэ сарын 25-нд Индонезийн Жава аралд 5.7 баллын хүчтэй газар хөдлөлт болжээ. 2004 онд Индонезид 7.4 баллын хүчтэй газар хөдлөлт болж, 230 мянган хүн амиа алдаж, 10 мянган сураггүй алга болжээ.

Б.Дэлгэрцэцэг