Газар хөдлөлтийн уршгаар 8000 орчим иргэнээ алдаад буй Балба улсад нэгэн хачирхалтай хэрэг гарчээ. Балбын Кудийя тосгоны иргэн Кодай Харижан гэгч 10 настай Живан Кохар гэх хүүгээр тахил өргөсөн тухай “www.dailymail.co.uk” мэдээллээ. Цагдаагийнхан энэхүү хэрэгтээ холбогдуулан 11 хүнийг баривчилсан байна. Шүүхээс тэдэнд цаазаар авах ял оноохоор төлөвлөж байгаа хэмээн Хятадын “Синьхуа” агентлаг мэдээлэв. Тэд тахил өргөх үедээ хүүгийн толгойг тасдаж, хоёр нүдийг нь ухаж авсан байжээ.

Хүү өнгөрсөн жилээс хүнд өвчнөөр өвчилсөн байна. Гэмт этгээдүүд хүүд 50 рупи өгч, эрүүл болгоно хэмээн нэгэн сүмд хуурч авчирчээ. Сүмийн төлөгч гэх 47 настай эрэгтэй “Хүүд чөтгөрийн хараал хүрсэн байна” хэмээж хүүгээр тахил өргөхийг тушаажээ. Цагдаагийнхан төлөгч гэх этгээдийг сураггүй алга болоод буй гурван хүүхдээр тахил өргөсөн хэмээн буруутгаж, шалгаж эхэлсэн байна.

Б.Дэлгэрцэцэг