Одоо үйлчилж буй дугаарын хязгаарлалтыг энэ сарын 15-наас цуцлах тухай яригдаж байгаа.

Энэ талаар Нийслэлийн Замын цагдаагийн газрын дарга, цагдаагийн хурандаа Ч.Жаргалсайхан “Энэ сарын 15-аас дугаарын хязгаарлалт цуцлах тухай асуудлыг иргэдээс тавьж байгаа. Үүнтэй холбоотойгоор иргэдийн дунд санал асуулга явуулж байна. Санал асуулгын дүнг харгалзан, дугаарын хязгаарлалтыг цуцлах эсэхийг шийдвэрлэнэ” гэдэг хариулт өгсөн.

Мөн хичээлийн шинэ жил эхлэх үеэр нийслэлийн замын хөдөлгөөний ачаалал, нягтрал ихэсдэг. Үүнийг зохицуулах зорилгоор есдүгээр сарын 1-ээс өмнөх хоёр долоо хоногийн бямба, ням гариг буюу наймдугаар сарын 22, 23, 29, 30-ны өдрүүдэд тээврийн хэрэгслийн улсын дугаарын төгсгөлийг тэгш, сондгойгоор ялган хөдөлгөөнд оролцуулахаар болжээ.

Ингэснээр бямба гаригуудад улсын дугаар нь тэгш тоогоор төгссөн автомашин явах бол сондгой тоогоор төгссөн нь ням гаригт зорчино.

Б.Хүлэг