Өнөөдөр том оврын автобусны жолооч буудал мөргөсөн осол гаргасан билээ. Тодруулбал Баянгол дүүргийн нутаг дэвсгэр, III, IV хорооллын зам Дүүхээ төвийн автобусны буудалд Сутайн буянт ХХК-ийн Daewoo маркийн автобусыг жолоодож явсан жолооч Б автобусны буудлын саравч мөргөжээ. Энэ ослын үед буудал дээр зогсож байсан хоёр явган зорчигч автобусны буудлын саравчинд цохиулж гэмтсэн байна. Уг ослыг замын  цагдаагийн  байгууллага шалгаж байна.