МАХН-ын “Анхан шатны байгууллага-2015” төвийн бүсийн ээлжит зөвлөгөөн Орхон аймагт өнгөрсөн долоо хоногт болжээ. Зөвлөгөөнд МАХН-ын дарга Н.Энхбаяр, намаас сонгогдсон УИХ-ын гишүүд болон Хөвсгөл, Дархан-Уул, Булган, Сэлэнгэ, Орхон аймгийн намын хорооны 200 гаруй төлөөлөгчид оролцсон байна.

Зөвлөгөөний үеэр УИХ-ын гишүүн Ч.Улаан, О.Баасанхүү нар оролцож улстөрийн өнөөгийн нөхцөл байдал, намын үзэл баримтлал болон хэлмэгдүүлэлтийн талаар илтгэлүүдийг тавьжээ. Мөн төвийн намын хорооны төлөөлөгчид намынхаа үйл ажиллагааг үнэлж дүгнэхийн зэрэгцээ 2016 оны сонгуулийн мөрийн хөтөлбөрийн талаар өргөн сэдвээр ярилцсан байна.

Түүнчлэн, Төвийн бүсийн зөвлөгөөний үеэр МАХН-ын дарга Н.Энхбаяр зөвлөгөөнд оролцож буй төлөөлөгчдөд хандан үг хэлжээ.

Б.Дэжид