Монгол Улсад байнгын ажиллагаатай парламент үүсэн байгуулагдсаны 25 жилийн ой энэ өдрүүдэд тохиож байгаа билээ.

Энэхүү түүхт ойтой холбогдуулан маргааш 11.40 цагт УИХ-ын хүндэтгэлийн чуулганыг хуралдуулахаар товлосон байна.

Одоогоос 25 жилийн өмнө Монгол Улсын хамгийн анхны байнгын ажиллагаатай парламент Улсын Бага Хурал бүрэн эрхээ хэрэгжүүлж эхэлжээ. Үндсэн хуульд оруулсан нэмэлт өөрчлөлтийн дагуу Улсын Бага Хурал нь хууль тогтоох, хянан шалгах чиг үүрэгтэй төрийн эрх барих дээд байгууллага нэртэйгээр үндсэн чиг үүргээ хэрэгжүүлж эхэлсэн түүхтэй. Энэ үед 53 гишүүнтэй, таван жилийн бүрэн эрхтэйгээр сонгогдон ажлаа эхлүүлж байсан аж.