Хуульзүйн байнгын хорооны хурал хойшлов

УИХ-ын чуулганы нэгдсэн хуралдаанаар Өршөөлийн хуульд тавьсан Ерөнхийлөгчийн хоригийг хүлээн авсантай холбоотойгоор уг хуульд зарим өөрчлөлтийг оруулахаар болсон. Тиймээс чуулганы нэгдсэн хуралдааны дараа ажлын хэсэг хуралдсан юм.
Өршөөлийн хуулийг хэрэгжүүлэх ажлыг зохион байгуулах УИХ-ын Хууль зүйн байнгын хорооноос байгуулагдсан ажлын хэсгийг УИХ-ын гишүүн, Шадар сайд Ц.Оюунбаатар ахалсан. Ажлын хэсгээр Өршөөлийн хуульд оруулах зарим өөрчлөлтийг хэлэлцэх үед гишүүдийн дунд ширүүн маргаан өрнөсөн талаар цахимаар жиргэж байна. Хаалттай хуралдсан Ажлын хэсгийн хуралдааны дараагаар Хуульзүйн байнгын хороо хуралдсан юм. Тус байнгын хорооны хуралдаанаар Өршөөлийн хуульд оруулсан зарим өөрчлөлтийг хэлэлцэхээр болсон ч АТГ-ын холбогдох албан тушаалтнуудыг оролцуулах шаардлага байна гэж үзсэн байна. Тиймээс тус байнгын хорооны хуралдааныг хойшлуулж, маргааш 09.00 цагт хуралдахаар болжээ.
Тиймээс өнөөдөр хаалтаа хийхээр төлөвлөсөн байсан УИХ-ын ээлжит бус чуулган хуралдаж амжихгүй хойшлогдлоо.
Н.Энх
СЭТГЭГДЭЛ БИЧИХ