Хуульзүйн сайдад үүрэг өглөө

img

 

Өнөөдрийн “Шийдлийн цаг” уулзалтаар хоёр асуудлыг онцоллоо.

 

Эдийн засгийн ил тод байдлын тухай хууль батлагдсантай холбогдуулан тус хуулийн хэрэгжилтийг хангаж ажиллах учиртай. Хууль зүйн яам Сангийн яамтай хамтран энэ ажилд оройлон оролцож, нийгэм, олон нийт, бизнесийн хүрээнийхэнд хууль танилцуулах ажлыг зохион байгуулахыг Ерөнхий сайд Ч.Сайханбилэг “Шийдлийн цаг” уулзалтын эхэнд Хууль зүйн сайд Д.Дорлигжавт үүрэг болголоо.

 

Бизнес эрхлэгчид, гадаадын хөрөнгө оруулагчдын хэлж байгаагаар манай банк, санхүүгийн байгууллагуудад мөнгөний гүйлгээг хэтэрхий хянаж байна. Хууль, хүчний байгууллагаас банк, санхүүгийн гүйлгээ болгоныг хянаж байгаа нь олон улсын жишигт нийцэхгүй байна. Тухайн банк гүйлгээг сэжигтэй гэж үзсэн тохиолдолд хууль хяналтын байгууллагад өөрсдөө ханддаг стандартыг тогтоох шаардлагатай байна. Ингэхгүй бол бэлэн мөнгөний гүйлгээ ихэсч далд эдийн засгийг улам бүр нэмэгдүүлэх нэг шалтгаан болоод байна гэж Ерөнхий сайд анхааруулаад энэ асуудлыг судалж, санал боловсруулан УИХ-ын намрын чуулган эхлэхээс өмнө Засгийн газрын хуралдаанд танилцуулахыг Д.Дорлигжав сайдад үүрэг болголоо.

 

Мөн Эдийн засаг хүндрэлтэй үед гадаад, дотоодын хөрөнгө оруулагчдыг татах, хөрөнгө оруулалтыг нэмэгдүүлэхэд улс орнууд тодорхой бодлого хэрэгжүүлдэг. Хөрөнгө оруулагчдад бизнес, жуулчны визээр зорчдогоос арай илүү атлаа тухайн орны иргэдийн бүрэн эрхэд хүрэхгүй, завсрын статус тогтоодог жишиг олон улсад бий. Тухайлбал, ногоон карт гэх мэт. Байнга оршин суух эрхтэй ч сонгуульд орж, улстөрийн эрх эдлэхгүй гэхдээ жуулчид, бизнесийнхнээс илүү эрхтэй ийм статус бүхий Монгол Улсын картыг бий болгоё. Янз бүрээр нэрлэж болно, “Соёмбо” карт ч гэдэг юм уу. Энэ асуудлыг судалж Засгийн газрын хуралдаанд танилцуулахыг Ерөнхий сайд үүрэг болголоо.

 

Гадаад, дотоодын иргэдийг хилээр орж, гарахыг хориглож, шүүх, прокурорын бүрэн эрхийг булаалдан хэн дуртай нь хилийн хориг тавиулах тохиолдол манай улсад олон байсан. Өнгөрөгч гуравдугаар сард болсон “Шийдлийн цаг” уулзалтаар энэ хөл хориог цэгцлэх үүргийг Хууль зүйн сайд танд өгч байлаа. Энэ асуудалд Хууль зүйн яам, Улсын ерөнхий прокурорын газар хамтарч ажиллан олон улсын жишигт нийцүүлэн цэгцэлсний үр дүнд гадаад, дотоодын хөрөнгө оруулалтын чуулга уулзалтын үеэр Hotel Mongolia гэдэг нэр байнга хөндөгддөг байсан нь больжээ. Энэ бол бидний ажлын бодит үр дүн юм гэж Ерөнхий сайд Ч.Сайханбилэг "Шийдлийн цаг" уулзалтын төгсгөлд хэллээ гэж Засгийн газрын Хэвлэл мэдээлэл, олон нийттэй харилцах албанаас мэдээллээ.

 

СЭТГЭГДЭЛ БИЧИХ

хөх карт гаргах хэрэгтэй:
гадаадын хөрөнгө оруулалт татахаас илүү казахстан шиг монгол үндэстнүүддээ квот тогтоон өгч ногоон карт шиг хөх карт гарган суурьшуулах хэрэгтэй 1-рт хүн ам хурдацтай өснө 2-рт цус шинэчлэгдэнэ 3-рт ажиллах хүч болон худалдан авалтын хувь хүн амын өсөлттэй уялдан нэмэгдэнэ 4-рт баялаг бүтээх болон хамтран бизнес хийх олон шинэ санал санаачлага нэмэгдэнэ. өөрөөр хэлбэл бидний олж хараагүй зүйлийг тэд олж харах болно бид нэгэнт энэ амьдралдаа дасаад зарим зүйлийг олж харахгүй болсон байгаа шүү дээ. жишээ нь байгууллага шинэ ажилтан авхад тэр хүнээс олон шинэ санаа гардаг биз дээ тэгхээр гадны хүний нүд юм болгон дээр шинэ сэргэг байдаг юмыг олж хардаг байх нь. төгсгөлд нь хэлхэд бид монголоороо үлдэж байгаа нь хамгийн том зүйл шүү.
2015-09-18
natsag:
neeree unen shuu Maxaa idej baij arai gej xorongo oruulagch olj ireed ajilaa exlexeer boon shalgalt orood irdeg Zob chiglel ogson bn amjilt
2015-09-17