Унгарын дүрвэгсдийн хуарангаас зугтааж байсан аав, хүү хоёрыг тус улсын “N1” телевизийн зураглаач Петра Ласзло санаатайгаар дэгээдэж унагаасан билээ. Зураглаач бүсгүй өөрийнхөө буруугаас болж ажилгүй болсон юм.

Дэгээдүүлсэн аав, хүү хоёрт Испанийн удирдлагууд орогнол олгохоос гадна илүү баталгаатай амьдрал бэлэглэсэн билээ. Сири улсын иргэн Осама Абдул Мохсен Испанийн үндэсний хөлбөмбөгийн Кенаф төвд дасгалжуулагчаар ажиллахаар болсноос гадна Мадрид хотноо амьдрахаар болжээ.

Тэгвэл “Реал” болон “Гранада” багийн тоглолтын үеэр хөлбөмбөгчин Криштиану Роналду зураглаач бүсгүйд дэгээдүүлсэн хүүг хөтлөн гарч ирсэн тухай  “www.dailymail.co.uk” мэдээллээ.

Харин Мохсен дээрх тоглолтыг хөвгүүдийнхээ хамтаар цэнгэлдэх дотроос үзжээ. Роналду хүүгийн аавыг ажилтай болсны дараа тэдэнтэй уулзах санал тавьсан байна.

Б.Дэлгэрцэцэг