Аялал жуулчлалаар явж байсан ОХУ-ын иргэнийг аварчээ.

Ховд аймгийн Ховд сумын “Адаг ус” гэдэг газар Олон улсын аялал жуулчлалын шугамаар явж байсан ОХУ-ын иргэн С /Ховд аймгаас Баян-өлгий аймаг явах чиглэлийн замд, аймгийн төвөөс 15 км/ РУС125АР890 улсын дугаартай “MERCEDES BENZ” загварын автомашин нь эвдрэн, 10 цаг хээр зогсож байна гэсэн дуудлага онцгой байдлын газар иржээ.

Дуудлагын дагуу тус аймгийн Онцгой байдлын газрын 4 албан хаагч, 1 техник хэрэгсэлтэйгээр ажиллаж тус иргэний автомашиныг нутгийн малчин н.Минайгийнд хүргэж, жуулчны амь насыг болзошгүй эрсдлээс хамгаалсан байна гэж ОБЕГ-аас мэдээллээ.

Б.Хүлэг