Засгийн газрын өчигдрийн хуралдаанаар өршөөлөөр суллагдах хүмүүсийг орон нутагт нь хүргэх зардлыг Засгийн газрын нөөц хөрөнгөөс гаргах шийдвэрийг гаргалаа. 

Өршөөлийн хуулийг хэрэгжүүлэх хүрээнд 676 хүнд хувцас олгох, суллагдсан 1537 хүнийг орон нутагт нь хүргэх, тухайн орон нутагтаа суллагдах 725 хүнийг орон нутгийн цагдаагийн байгууллагад хүлээлгэн өгөх ажлуудыг зохион байгуулна. Энэ бүхэнд 155.1 сая төгрөгийн зардал шаардагдах тооцоог гаргажээ. Энэ хөрөнгийг Засгийн газрын нөөц хөрөнгөөс гаргахыг Сангийн сайд Б.Болорт зөвшөөрсөн байна.