Буддын шашны тэргүүн, дээрхийн гэгээнтэн XIV Далай лам АНУ-д хийх шашны айлчлалаа тодорхойгүй шалтгааны улмаас хойшлуулсан тухай “CNN” агентлаг мэдээллээ. Далай лам ирэх сарын 14-20-ны өдрүүдэд АНУ-д айлчлахаар төлөвлөж байсан ч айлчлалаа ирэх оныг хүртэл хойшлуулсан байна. Тэрбээр айлчлалаа хойшлуулсан шалтгаанаа тайлбарлаагүй ч эрүүл мэндийн байдалтай холбоотой хэмээн хэвлэлийн төлөөлөгч нь мэдэгджээ.

Харин барууны хэвлэлүүд Далай лам айлчлалаа хойшлуулсан гол шалтгааныг АНУ-д төрийн айлчлал хийж буй БНХАУ-ын дарга Си Зиньпинтэй холбон тайлбарлаж байна. “Си даргаас болж дээрхийн гэгээнтэн айлчлалаа хойшуулсан. Обама, Хятадтай олон салбарт хамтран ажиллах гэрээ байгуулахын тулд дээрхийн гэгээнтнийг хэсэг хугацаанд хүлээн авахаас татгалзсан” гэж ойрын эх сурвалж “CNN” агентлагт ярьжээ.

Өнгөрсөн оны хоёрдугаар сард Далай лам АНУ-д айлчлахад Ерөнхийлөгч Обама Цагаан ордондоо хүлээн авсан билээ.

Б.Дэлгэрцэцэг