МАН-ын нэр нөлөө бүхий эрхмүүд намаасаа татгалзаж, "Ах" нам бутарч эхэллээ гэх мэдээлэл олон нийтийн сүлжээгээр тарж эхэлсэн. Тус намын экс Ерөнхий нарийн бичгийн дарга У.Хүрэлсүхийг МАН-аас гарч, шинэ нам байгуулах гэж буй тухай яриа ч гарсан. Тэгвэл энэ ярианд У.Хүрэлсүх хариулт өгчээ.

Тэрбээр "Би одоогоос 22 жилийн өмнө анд нөхдийнхөө өмнө нэг тангараг өргөсөн юм. Тэр юу вэ гэвэл, элссэн намаасаа гарахгүй, авсан эхнэрээ хаяхгүй, анд нөхдөөсөө урвахгүй гэж...Энэ бол миний амьдралын зарчим. Тэр тусмаа Их жанжин Сүхбаатар, анхны долоогийн байгуулсан Ардын намаасаа урвана гэж үү..." гэсэн тайлбарыг хийжээ.

Мөн МАН бол хагарч бутраад байдаг улс төрийн хүчин биш хэмээн МАН, У.Хүрэлсүх хоёрын ноён нуруу хэзээд нугарахгүй гэсэн эрс шийдэмгий хариултыг өгчээ.