ШӨХТГ-ын экс дарга О.Магнай 2016 оны сонгуульд бэлдэж эхэлжээ. Тэрбээр Сонгинохайрхан дүүргээс "Дэм Дэмэндээ" аяныг эхлүүлж, 23 хорооны 10 000 гаруй иргэнд хүрч "үйлчлэхээр" болжээ. Аяны хүрээнд Мяьнмарт үйлдвэрлэсэн хувцсыг иргэдэд тараах юм байна. 

О.Магнай 2008 оны УИХ-ын сонгуульд Сонгинохайрхан дүүргээс нэр дэвшиж, МАН-ынханд ялагдсан. "7 сарын 1"-ний үйл явдлын гол эзнээр нэрлэгдээд байсан тэрбээр сонгуулийн дараа нэг хэсэгтээ хувийн бизнестээ анзаарч, "чимээгүй" байсан. Харин 2012 оны сонгуулиар АН олонх болж, тэрбээр ШӨХТГ-ын даргын албан тушаалд очсон. Харин хамтарсан Засгийн газар байгуулагдахад Шадар сайд У.Хүрэлсүхтэй хамтран ажиллаж чадахгүй хэмээн өөрийн хүслээр суудлаа өгсөн юм. Ажлаа өгснийхөө дараа нэг хэсэгтээ чимээгүй байсан О.Магнай идэвхжиж, ирэх жилийн сонгуульд Сонгинохайрхан дүүргээс дахин хүч үзэхээр, бэлдэж эхлэв бололтой.