УИХ-ын чуулганы өнөөдрийн нэгдсэн хуралдаанаар төсвийн тодотголыг хэлэлцэв. Салбар, салбарын төсөв, хийгдэх ажил, цалин тэтгэвэр гээд олон зүйл яригдсан энэ хуралдаанд Эрүүл мэнд, спортын сайд Г.Шийлэгдамба суугаагүй нь гишүүдийн бухимдлыг төрүүлэв. Эрүүл мэндийн салбар тэр дундаа эмийн санхжүүжилтийн талаарх гишүүдийн асуултад хариулах хүн байгаагүй нь асуудлыг хурцатгаж, сайдын суудалтай ярих хэмжээнд хүргэв.

УИХ-ын гишүүн Д.Батцогт “Энэ яамыг нэг намд даатгачихсан. Өмнөх сайд нь УИХ-д олддоггүй байсан, одоогийн сайд нь ч ялгаагүй. Эрүүл мэндийн салбар дампуурч гүйцлээ. Эрүүл мэндийн яамны буруугаар болж, эмийн төсөв тасарсан. Ерөнхий сайд аа, энэ сайдынхаа асуудлыг нэг тийш нь болгоорой. Тэгэхгүй бол би өөрөө огцруулах төсөл өргөн барина” хэмээн их л бухимдалтайгаар үгээ дуусгав.