Нийслэлийн ИТХ ээлжит 25 дугаар хуралдаанаар нийслэлийн дагуул Багануур хотыг Багануур дүүрэгт, нийслэлийн дагуул Налайх хотыг Налайх дүүрэгт байгуулах тухай асуудлыг хэлэлцэн баталсан билээ. Налайх хотын Захирагчаар тус дүүргийн ИТХ-аас нэр дэвшигч Ш.Хаан сонгогдсон юм.

Харин Багануур хотын Захирагчийн сонгууль энэ сарын 18-ны өдөр буюу маргааш болох гэж байна.

Тус сонгуульд Ш.Отгонбаяр, Н.Тавинбэх, Б.Ганбаатар, Ц.Цогбаяр нар бие даан нэр дэвшиж байна. Тиймээс Багануурын иргэдийг маргааш 07:00-22:00 цагийн хооронд харьяа хороон дээрээ очиж сонгуульдаа идэвхитэй оролцоно уу гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс уриаллаа.