Эдийн засгийн хөгжлийн сайд асан “Фортуна” Н.Батбаяр “Чингис”, “Самурай” бондыг дэлхийн зах зээлээс босгож ирсэндээ эрэмшин тvvнийг захиран зарцуулах эрхтэй “Хөгжлийн банк”-ны Гvйцэтгэх захирлаар өөрийнхөө туслах байсан Н.Мөнхбат гэгч “Нялх Сэнгvм”-ийг тавьж дөнгөсөн зайтай эр. Цvнхийг нь бариад Н.Батбаярын хажууд нь дэгдэж явснаа нэг л өдөр “Хөгжлийн банк”-ны Гvйцэтгэх захирлын суудалд тухалж авсан Н.Мөнхбат захирал ч хоёр бондын 2.1 тэрбум ам. долларыг баруун солгойгvй цавчиж өгсөн тvvхтэй. Тэр ч утгаараа мань хоёр бондын мөнгийг дэндvv гамгvй цавчсан нь эхнээсээ ил болж эхлээд байгаа. УИХ-ын гишvvн Л.Энх-Амгалангийн ахалсан бондын мөнгөний зарцуулалтад шалгалт хийсэн ажлын хэсгийнхэн өнөөдрийг хvртэл тайлангаа тавихгvй байгаагийн ард ажлын хэсгийн ахлагч Л.Энх-Амгалангаас эхлээд “Фортуна” Н.Батбаяр гээд олон улстөрч зогсож байж болзошгvйг эх сурвалжууд мэдээлж байна. Учир нь тэдний хувийн компаниуд болон хувьцаа эзэмшдэг компаниуд “Чингис”, “Самурай” бондын мөнгөнөөс 10-20 тэрбумаар нь цавчсан тухай АТГ хавиас “бор шувуу” нисч эхлээд байгаа юм. Янз бvрийн асуудалд санаа нь зовсон Н.Батбаяр сvvлийн vед УИХ-ын чуулганы хуралдаанд ч суухаа больсон. Өчигдөр л гэхэд гадны хvн шиг алсаас ажиглан зогсож байснаа Ш.Тvвдэндоржийг сугадаад алга болж өгнө лээ. Тэр хоёр юуг тэгтлээ чухалчлан ярих гэсэн юм бол.

Эх сурвалж: