Иракийн хэт даврагч “Халифын вант улс” бүлэглэл “Орос болон холбоотон орнууд цэргийн ажиллагаагаа цуцлах хүртэл барьцаанд байгаа иргэдийг нэг нэгээр хөнөөсөөр байх болно” гэж мэдэгджээ. Тус бүлэглэл өчигдөр 14.54 цагт өөрийн твиттер хуудастаа барьцааны иргэний аминд хүрч буй 11 минутын видео бичлэгээ байршуулсан тухай “www.dailymail.co.uk” мэдээллээ.

Хэт даврагчид өмнө нь барьцааны иргэнээ өндөр барилгаас шидэх, хоолойг нь хэрчих зэргээр амийг нь хөнөөдөг байсан. Харин энэ удаад барьцааны иргэнийг танкаар дайрч хөнөөсөн байна. Тэд Сирийн армийн дайчин, 19 настай Фади Аммар Зидан гэгчийг хороожээ. Залуу амиа алдахаасаа өмнө “Эдгээр хүн араатнуудыг заавал устгаарай. Би тэнгэрээс та бүхнийг дэмжээд сууж байя” гэж хэлсэн байна.  

Түүний аминд хүрсэн хэт даврагч Жихади Эмази гэгч “Бидний эсрэг тулалдсан бүхэн амиа алдах болно. Учир нь та нар биднээс урвасан” гэж хэлсэн байна. Хэт даврагчид залууг өнгөрсөн наймдугаар Дамаскийн ойролцоогоос барьцаалжээ.

Б.Дэлгэрцэцэг