Нийслэлийн 376 жилийн ойн баяр өчигдөр тохиолоо. Энэ өдөр Чингис хааны талбайд “Монгол Улсын Төрийн дуулал” -ыг эгшиглүүлж,  “Нийслэлийн туг”-ийг мандууллаа. Мөн нийслэлийн анхны шав тавьсан “Мэлхийт хөшөө”-нд хүндэтгэл үзүүлж, нийслэлийн сүлдэт хуур цэнгүүлсэн юм.

Олон нийтийн хамарсан өөр нэг арга хэмжээ нь их хотын өдөрт зориулсан баярын парад байв. Нийслэлд үйл ажиллагаа явуулдаг томоохон аж ахуйн нэгжүүдийн оролцсон баярын парад Улсын Их дэлгүүрээс Чингисийн талбай гэсэн маршрутаар зохион байгуулагдсан юм.