УУХҮЯ-наас мэдээлэл хийлээ. УУХҮ-ийн сайд Д.Сумъяабазар:

-Хариуцлагатай, нээлттэй уул уурхайг хөгжүүлнэ. Уул уурхайн бүтээгдэхүүний үнэ ханш  дэлхийн зах зээл дээр өссөн. 2017 оны гуравдугаар улирлын байдлаар 1.9 их наяд төгрөгийн орлого төвлөрүүлсэн.

Цаашдаа дэлхийн зах зээлд алт, зэсний үнэ нэмэгдэхээр байгаа. Нөгөө талдаа салбар хоорондын үйл ажиллагаа уялдаатай байх шаардлагатай. Байгаль орчин, нийгмийн хамгааллын салбартай уялдаа холбоотой байх шаардлагатай.

Оюутолгойн бүтээн байгуулалт иргэдийн амьдралын баталгаа. Тэнд ажиллаж байгаа нөхөн үржихүйн насны залуучууд, нийгмийн асуудал хоцрогдолтой байна. Тиймээс салбар хоорондын уялдаа холбоог хангах шаардлагатай. Зүүн бүст газрын тос борлуулж байгаа. Нарны эрчим хүч, ус бэлчээрийн асуудал гээд байна.

Бүтээн байгуулалт явуулахад хүндрэл үүсч байна. Өчигдрийн байдлаар нийтдээ нүүрс тээвэрлэлт 99 км цуваа болсон.

Нүүрсний борлуулалтыг нэмэгдүүлэх шаардлагатай. Цаашдаа хариуцлагатай, нээлттэй уул уурхайг хөгжүүлнэ хэмээн мэдээлэв. Тэд мэдээлэл  хийснийхээ сэтгүүлчдийн сонирхсон асуултад хариулсан юм.

-Бичил уурхайн чиглэрээр ямар ажил хэрэгжүүлэх бол?

-Өмнөх Засгийн газрын бодлого, үйл ажиллагааг үргэлжлүүлнэ. Гар аргаар алт олборлож, хөдөлмөр эрхэлж байгаа хүмүүсийн алтыг Монголбанкинд тушаах хууль, эрхзүйн орчин бүрдээгүй байгаа. Бичил уурхайн эрхзүйн орчин бүрдүүлнэ. “Алт-2” хөтөлбөрт зохицуулалт хийх шаардлага байгаа. 

-“Оюутолгой”-н төслийг сайжруулахад ямар арга хэмжээ авах вэ?

-“Оюутолгой”-н гэрээн дээр орон нутгийн хөгжлийн асуудлыг тусгахад анхаарах хэрэгтэй. “Оюутолгой” төсөл цаашдаа амжилттай хэрэгжиж, ард иргэдийн амьдрал ахуй дээшлэх ёстой юм. Тиймээс “Рио тинто” компанитай хэлэлцээрийн ширээнд суух цаг болсон.

-Хармагтайн ордыг тойрсон асуудал үүссэн. Энэ талаар?

-Хармагтайн зэс алтны ордод  “Айвенхоу майнз”, “Оюутолгой” хайгуул хийсэн. Энэ ордын нөөц тогтоогдсон. Анх алтны нөөц 30.4, зэс 304 тн гэж тогтоож байсан. Одоо ашиглалтын буюу нэмэлт хайгуулын ажил хийж байгаа. Хармагтайн ордыг Оюутолгойтой зүйрлэж байгаа. Тэгвэл өнөөдрийн байдлаар тогтоосон Хармагтайн ордны  нөөц алт 38 тонн. Гэтэл Оюутолгойн  348 тонн. 

Н.Энх