Японы нутаг дэвсгэр дээр омикрон штаммаар халдварласан анхны тохиолдол бүртгэгджээ. Энэ талаар тус улсын засгийн газраас авсан эх сурвалжтайгаар Kyodo агентлаг мэдээлсэн байна.

Эх сурвалжийн мэдээлснээр, Намиби улсаас Японд ирсэн эрэгтэйгээс нисэх буудал дээр коронавирусийн шинжилгээ авахад хариу нь эерэг гарсан байна.

Энд дуулгахад, Япон улс омикрон штамм дэгдсэнтэй холбоотойгоор өнөөдөр буюу 11 дүгээр сарын 30-ны өдрөөс эхлэн гадаадын иргэдэд виз олгох, тэднийг улс руугаа нэвтрүүлэхийг зогсоож байгаа юм. Энэ арга хэмжээ омикрон штаммын талаарх мэдээлэл тодорхой болох хүртэл үргэлжилнэ гэж Японы Ерөнхий сайд мэдэгдэж байв. 

Г.Бямбасүрэн