АНУ-ын Олон улсын хөгжлийн агентлаг (USAID) 2020-2021 онуудад Казахстан дахь "зөөлөн хүч"-д есөн сая гаруй доллар зарцуулсан гэнэ. Энэ талаар RT агентлаг мэдээлжээ.

Эх сурвалжийн мэдээлснээр, "хараат бус шүүхийн тогтолцоо, иргэний нийгмийн байгууллагууд"-ыг хөгжүүлэхэд 915 мянган доллар зарцуулсан байна. Харин "тайван нийгмийг бүтээх"-д 400 мянга, Казахстаны олон нийтийн хэвлэл мэдээллийг дэмжихэд 475 мянган доллар зарцуулжээ.

USAID  олон оронд Америкийг дэмжсэн үзэл баримтлалтай хүмүүс байлгахын тулд хүмүүнлэгийн хөтөлбөрүүдэд мөнгө зарцуулдаг гэж АНУ-ын гадаад бодлогыг судалдаг шинжээч Геворг Мирзаян өгүүлсэн байна.

"Жишээ татахад, чухамхүү ингэж л Украинд барууныг баримталсан идэвхтнүүдийн давхарга бий болж, дараа нь тэд Майдан бослого гаргасан" хэмээн тэрбээр өгүүлжээ.

Г.Бямбасүрэн