Өдгөө нэр алдарт хүрч, дэлхий дахины хайр хүндэтгэлийг хүлээсэн, тэр хэрээрээ ашиг орлого их олж хангалуун чинээлэг амьдардаг алдартнууд өмнө нь бусдын л адил ажил хөдөлмөр эрхэлж, зарим үед хар бор ажил гололгүй хийж байсан нь бий. 

"Ногоон бүс", "Форест Гамп" зэрэг бүтээлүүдээрээ алдартай Холливүүдийн жүжигчин, найруулагч, продюсер Том Хэнкс уран бүтээлд амьдралаа зориулахаас өмнө попкорн, самар зарж мөнгө олдог байсан гэнэ. 

Ханхүүтэй гэрлэсэн "орчин цагийн Үнсгэлжин" гэгддэг Меган Маркл "театр"-ын чиглэл төдийгүй "олон улсын харилцаа"-ны бакалавр зэрэгтэй аж.

Алдарт сагсан бөмбөгчин Шакил О’Нил  боловсролын салбарын шинжлэх ухааны доктор.

Британийн театр, кино, дуу оруулалтын жүжигчин, дуучин Кристофер Ли Дэлхийн хоёрдугаар дайны ахмад дайчин нэгэн. Тэрбээр урлагт хөл тавихаасаа өмнө тагнуулын албанд ажилладаг байсан аж. 

Холливүүдийн нэрт жүжигчин Дуэйн Скала Жонсон кримонологч төдийгүй физиологч мэргэжилтэй. 

Хүүхэд ахуй цагаасаа л кино урлагтай холбогдож, анхны дүрээ 11 настайдаа бүтээж байсан Жейк Жилленхол аврагч байсан гэдэг.

Эмма Уотсон дэлхийн хамгийн нэр хүндтэй сургуулиудын нэгийг төгссөн өндөр боловсролтой нэгэн. Тэрбээр Брауны их сургуулийг Английн утга зохиол мэргэжлээр бакалавр зэрэгтэй төгсжээ. 

"Дуурийн сүнс", "300 спартак" зэрэг кинонуудаараа алдартай, Британийн жүжигчин Жерард Батлер дадлагажигч өмгөөлөгч байжээ. Гэсэн ч тэрбээр ажлаа тасалж, зугаацаж цэнгэх дуртай байсан тул энэ ажилдаа нэг их удалгүй халагдсан гэнэ. 

1980-1990-ээд оны тулаант кинонуудын од, Америкийн кино жүжигчин, найруулагч, продюсер Дольф Лундгрен тулааны урлагийн мастер. Түүнчлэн химийн инженерийн магистр цолтой аж.

Г.Бямбасүрэн