Америкийн Виржини мужийн Ньюпорт-Ньюс хотын бага сургуулийн багш эмэгтэй галт зэвсгийн хүнд шарх авсан талаар NBC мэдээлжээ. 

Эх сурвалжийн мэдээлснээр, тус сургуулийн нэгдүгээр ангийн, зургаан настай сурагч багшийгаа буудсан гэнэ. Энэ хэрэг өнгөрсөн баасан гарагт гарчээ. Ням гарагт хотын дарга ВВС агентлагт мэдээлэл өгөхдөө, багш Эбби Цвернерийн биеийн байдал бага зэрэг дээрдсэн ч хүнд байгаа хэмээн онцолжээ. 

Зургаан настай сурагч хаанаас зэвсэг авсан, хэрхэн сургуульдаа авчирсан талаар цагдаагийнхан хараахан тогтоож чадаагүй байгаа гэнэ. Энэ сургуульд металл илрүүлэгч хаалга байдаг ч зарим үед ажиллагаа нь доголддог аж.

Хэрэг болох үед ангид байсан эцэг эхчүүдийн төлөөлөл болох нэгэн хүний өгүүлснээр, буудахын өмнө багш сурагчийн хооронд маргаан гарсан гэнэ. Багшийгаа буудсан сурагчийг цагдаагийнхан саатуулжээ.

 Виржини мужийн хуулиар зургаан настнуудыг эрүүгийн хэрэгт татах заалт байхгүй тул эцэг эхийнх нь эцэг эх байх эрхийг хязгаарлаж, хүүхдийг асрах эрхийг мужийн эрх баригчдад шилжүүлж магадгүй гэнэ.

Г.Бямбасүрэн