БНАСАУ-ын тэргүүн Ким Жон Ун "АНУ болон барууны ноёрхогч стратеги"-ийг сөрөн зогсох холбоотнуудыг хайж, тэдгээр орнуудтай харилцаагаа бэхжүүлэх ёстой гэж үзэж байгаагаа Хойд Солонгосын ардын дээд хурлын чуулганы үеэр мэдэгджээ. 

"Империалист хүчнээс болж хоёрдугаар хүйтэн дайн яг одоо өрнөж байна. Ингэснээр тусгаар орнуудын оршихуй ноцтой аюул заналтай тулгарсан" хэмээн Ким Жон Ун мэдэгджээ. 

Тиймээс, "Барууны ноёрхол"-той тэмцэх улс орнуудтай харилцаагаа эрчимжүүлэх, Хойд Солонгосыг дэмжихэд бэлэн шинэ холбоотнуудыг хайх шаардлагатай гэж  Ким Жон Ун мэдэгдсэнийг Солонгосын цахим мэдээллийн агентлаг дамжуулсан байна. 

Г.Бямбасүрэн