Казахстаны анхны Ерөнхийлөгч Нурсултан Назарбаев "Миний амьдрал" дурдтагал ном бичжээ. Энэ ном тун удахгүй худалдаанд гарах бөгөөд одоогоор улс төрчид, шинжээчид, сэтгүүлчид номын дээжийг авсан талаар Orda.kz мэдээлсэн байна. 

Эх сурвалжийн мэдээлснээр, Назарбаев өөрөө бичсэн дурдатгал номонд Казахстаын анхны ерөнхийлөгчийн улс төрийн замнал болон хувийн амьдралын талаар өгүүлэх аж. Номонд шинэ мэдээлэл, мэдэгдэл байхгүй, олны сайн мэдэх мэдээллүүд л байгаа хэдий ч анх удаа, хоёр дахь амьдрал зохиосон талаараа бичсэн байна.

Түүний хоёр дахь эхнэрийг Асель Исабаева гэх бөгөөд тэд хоёр хүүтэй аж. "Бид мусульманы заншил ёсоор гэрлэсэн. Асель надад хоёр сайхан хүү бэлэглэсэн юм. 2005 онд Тауман, 2008 онд Байкен мэндэлсэн" хэмээн Назарбаевын номонд бичжээ.

Асель Исабаева Назарбаевын нууц эхнэр гэсэн мэдээлэл хэдэн жилийн өмнөөс л Казахстаны хэвлэлүүдээр гарч байсан ч Назарбаев энэ талаар ам нээдэггүй байсан юм. Асель Исабаева 1999 онд Казахстаны гоо бүсгүй тэмцээнд оролцож байсан, өдгөө 42 настай, харин Назарбаев 83 настай. Нурсултан Назарбаевын өмнөх эхнэр Сара Назарбаева нөхрийнхөө хоёр дахь эхнэр болон хүүхдүүдийн талаар мэдэж байсан гэнэ.

Г.Бямбасүрэн