2023 оны тавдугаар сард АНУ-ын Нью-Йорк хотын дарга Эрик Адамс биеийн өндөр, жин, хэмжээнээс шалтгаалж хүмүүсийг ялгаварлан гадуурхахыг хориглосон тусгай хуульд гарын үсэг зурж байлаа. Илүүдэл жинтэй хүмүүсийг ялгаварлахыг хориглосон хууль энэ долоо хоногт хүчин төгөлдөр үйлчилж эхэлсэн байна. 

NBC агентлагийн мэдээлснээр, ажилд авах, орон сууц түрээслүүлэх эсвэл нийтийн эзэмшлийн газраар үйлчлүүлэхэд нь хүмүүсийг илүүдэл жинтэй, хэт өндөр эсвэл намхан гэдгээр нь ялгаварлан гадуурхахыг албан ёсоор хоригложээ. Энэ хууль хүчин төгөлдөр мөрдөгдөж эхэлсэнтэй холбоотойгоор хотын дарга мэдэгдэл хийхдээ "одоо та нар ажил хайх, орон сууц түрээслэх үед та нарын өндөр, хэдэн килограмм жинтэй байх нь огт хамаагүй боллоо. Шинэ хуувиар хотын бүх иргэдэд тэгш нөхцөл боломж олгож, тэднийг ялгаварлан гадуурхалтаас хамгаална" хэмээн онолцсон байна.

Хуульд зааснаар хэт өндөр эсвэл намхан гэсэн шалтгаанаар хүмүүсийг ажилд авахаас татгалзвал хууль зөрчсөнд тооцогдох аж. Гэхдээ онгоцны үйлчлэгч зэрэг бие галбирын тодорхой үзүүлэлтүүдийг шаарддаг ажил мэргэжлүүдийн хувьд энэ хууль хэрхэн зохицуулах нь тодорхойгүй байгаа юм.

Г.Бямбасүрэн