Индонезийн Суматра арлын баруун хэсэгт байх Марапи галт уул сэргэсний улмаас 11 хүн амиа алджээ. Энэ талаарх мэдээллийг ВВС агентлаг дамжуулсан байна. 

Эх сурвалжийн мэдээлснээр, байгалийн гамшгийн бүсэд 11 хүн амиа алдсаны дээр 12 хүн сураггүй болсонд тооцогдож байгаа бөгөөд аюултай нөхцөл байдалтай байгаа тул сураггүй болсон хүмүүсийг эрэн хайх ажлыг түр зогсоожээ. Индонезийн аврах албаныхны мэдээлснээр, галт уулын бүсэд 75 хүн байснаас 49 хүнийг аюулгүй нүүлгэн шилжүүлж чадсан байна. Тэдний ихэнх нь түлэгдсэн тул эмнэлэгт хүргэгджээ.

Марапи галт уул Суматра арал дээрх хамгийн идэвхитэй галт уулуудын нэг бөгөөд 1979 оны дөрөвдүгээр сард энэ уул сэрсний улмаас 60 хүн амиа аладж байсан аж. Энэ удаад галт уул сэрж, үнс нурам гурван километр өндөрт цацагдж, хэд хэдэн тосгон үнсэнд дарагдсан байна. 

Г.Бямбасүрэн