АНУ Украин “эдийн засгийн түншлэлийн гэрээ” байгуулж, газрын ховор элеметийн салбарт хамтарч ажиллахаар болов. Тодруулбал АНУ Украины газрын ховор элементийн ордыг ашиглах боломжтой болсон бөгөөд гэрээнд зааснаар, АНУ-ын тал 100 хувийн хөрөнгө оруулалт хийж,  ордын хувийг талууд тэнцүү эзэмшихээр заажээ. Мөн тус гэрээнд зааснаар ордын нөөц, менежмент, удирдлага Украины мэдэлд байх юм.  Украины Ерөнхий сайд Шмигаль уг гэрээг “сэргээн босголтод чиглэсэн стратегийн түншлэл” хэмээн тодорхойлоод байна.

АНУ-ын хувьд газрын ховор элементийн салбарт БНХАУ-ын хараат байдлаас гарах зорилготой.  Тиймээс Дональд Трамп тангараг өргөснийхөө дараа Украинд өнгөрсөн 3 жилийн турш үзүүлсэн 350 тэрбум ам.долларын цэргийн тусламжийн хариуд тус улсын газрын ховор элелентийн ордыг ашиглах санал гаргасан байдаг.

Газар ховор элементийн салбарт хамтран ажиллах талуудын хэлэлцээ 2 сар гаруй хугацаанд үргэлжилж, хэд хэдэн удаагийн зөрчилтэй тулгарч байсан. Тухайлбал АНУ-ын талаас тавьсан анхны санал буюу Орос-Украины дайныг санхүүжүүлсэн өрөндөө газрын ховор элементийн ордыг ашиглах саналыг В.Зеленский зөвшөөрөөгүй. В.Зеленскийн хувьд АНУ-ын саналыг хүлээн зөвшөөрөх нь улсаа худалдахтай адил гэж мэдэгдэж байв. 

Украин улсад АНУ-ын геологийн албаны тодорхойлсон шүлтлэг газрын хово элементийн 50 төрлөөс 22-г нь агуулсан орд бий. энэ төрлийн ховор элементүүд нь сэргээгдэх эрчим хүч, өндөр технологи, зэвсгийн үйлдвэрлэлд ашиглагдана. Украины газрын ховор элементийн нөөцийг ашиглах сонирхол дэлхийн хүчирхэг гүрнүүдэд бий. Их гүрнүүдийн хувьд газрын ховор элементийн салбарт БНХАУ-ын хамаарлаас ангижирхын тулд хөрөнгө оруулалт хийх улс орнуудын эрэлд гараад буй...