БНСУ-ын Хууль зүйн яам 2026 оны 3-р сарын 9-нд мэдэгдэл гаргаж, хууль бусаар ажиллаж буй гадаадын иргэдэд чиглэсэн эрчимжүүлсэн хяналт, шалгалтыг 2 сарын хугацаанд явуулахаар болсноо зарлалаа. Шалгалт 2026 оны 3-р сарын 9-нөөс 4-р сарын 30 хүртэл (нийт 53 хоног) үргэлжлэх бөгөөд ялангуяа хүргэлтийн үйлчилгээний салбарт ажиллаж буй гадаадын иргэдийг голлон шалгах юм. Сүүлийн үед гадаадын иргэд, тэр дундаа оюутан залуус Солонгос иргэний нэрийг ашиглан (өөр хүний нэр дээр платформд бүртгүүлэх) хүргэлтийн ажил хийх тохиолдол нэмэгдсэн нь ийм арга хэмжээ авахад хүргэсэн гэж мэдэгджээ.

• Хууль бусаар ажиллаж байгаа гадаадын иргэдийг торгох болон албадан нутаг буцаах

• Хүргэлтийн платформын дансаа бусдад ашиглуулсан, зуучилсан хүмүүсийг цагдаад шилжүүлж хариуцлага тооцох юм. Иймд БНСУ-д ажиллаж, суралцаж буй гадаадын иргэд, ялангуяа хүргэлтийн салбарт ажиллаж буй хүмүүс хууль, визийн нөхцлөө зөрчихгүй байхыг анхаарахыг албаныхан сануулжээ.