Өнөөдөр аргын тооллын 2020 оны дөрөвдүгээр сарын 03. Баасан гараг. Билгийн тооллын XVII жарны "Хотолыг баригч" хэмээх Шороон хулгана жилийн Хаврын дунд шарагчин Туулай сарын Билгийн тооллын 10. Сугар гараг. Үнэг одтой, нэг цагаан мэнгэтэй улаан хулгана өдөр.
Малчид, иргэд, тээвэрчдийн анхааралд: Өнөөдөр нийт нутгаар дулаарч, цас эрчимтэй хайлах тул болзошгүй шар усны үерийн аюулаас сэрэмжтэй байхыг анхааруулж байна.
Монгол Улсын Их Хурлын дарга Г.Занданшатарт өнөөдөр (2020.04.02) Коронавируст халдвар (СОVID-19)-ын цар тахлын үед иргэдийн эрүүл мэнд, орлогыг хамгаалах, ажлын байрыг хадгалах, эдийн засгийг идэвхжүүлэх багц арга хэмжээний тухай УИХ-ын тогтоолын төслийг Улсын Их Хурлын гишүүн, Засгийн газрын гишүүн, Сангийн сайд Ч.Хүрэлбаатар өргөн барилаа.
Монгол Улсын Их Хурлын гишүүн, Хүнс, хөдөө аж ахуй, хөнгөн үйлдвэрийн сайд Ч.Улаан өнөөдөр (2020.04.02) Гаалийн албан татвараас чөлөөлөх тухай болон Нэмэгдсэн өртгийн албан татвараас чөлөөлөх тухай, Улсын тэмдэгтийн хураамжийн тухай хуульд нэмэлт, өөрчлөлт оруулах тухай хуулийн төсөл болон “Монгол Улсын эдийн засаг, нийгмийг 2019 онд хөгжүүлэх үндсэн чиглэл”-ийн биелэлт, Монгол Улсын Засгийн газрын 2016-2020 оны үйл ажиллагааны хөтөлбөрийн хэрэгжилтийг УИХ-ын дарга Г.Занданшатарт өргөн барилаа.
Улаанбаатар хотод өрнөж байгаа бүтээн байгуулалтын ажлын талаар нийслэлийн Засаг дарга бөгөөд Улаанбаатар хотын Захирагч С.Амарсайхан өнөөдөр мэдээлэл хийлээ. Нийслэл хотод хийж хэрэгжүүлэх бүтээн байгуулалтуудыг нийгэм, эдийн засгийн хувьд эрэмбэлж иргэдийн ажил амьдралтай уялдуулж, дүүрэг хороодод тулгамдаж байгаа асуудал бүрт газар дээр нь очиж, холбогдох албаныхантай хамтран шийдвэрлэж байгааг хотын Захирагч мэдээллийнхээ эхэнд онцолж хэлсэн юм.
2020 он 04 дүгээр сарын 02 өдөр Улаанбаатар хот Монгол Улсын Засгийн газраас 2019 оны 07 дугаар сарын 03-ны өдрийн 280 дугаар тогтоолоор “Чингис хаан” музей байгуулах тухай шийдвэрийг гаргасан. Музейн барилгын бүтээн байгуулалтыг эхлүүлэх арга хэмжээ Чингэлтэй дүүргийн 4 хорооны нутаг дэвсгэрт боллоо. Монгол Улсын Ерөнхий сайд У.Хүрэлсүх өөрийн санаачилгаар санаачилгаар хэрэгжиж буй “Чингис хаан” музейн бүтээн байгуулалтыг эхлүүлэх ёслолд биечлэн оролцож, үг хэлж, барилгын сууринд шүншигийг байршуулж, гүйцэтгэлийн ажлыг албан ёсоор эхлүүллээ.
Дэлхий нийтийг хамарсан “Сovid-19” вирусын цар тахалын үеийн эдийн засгийн нөхцөл байдалтай уялдуулан Монгол Улсын засгийн газраас авч хэрэгжүүлэх арга хэмжээ, өндөржүүлсэн бэлэн байдлын үед Хүнс, хөдөө аж ахуй, хөнгөн үйлдвэрийн яамнаас 2020 оны хаврын тариалалтад онцгой анхаарч, тариалангийн талбайг нэмэгдүүлэн тариалах, ажлын байрыг хадгалж үлдэх, нэмэгдүүлэх, хүн амыг дотооддоо тарьж ургуулсан хүнсний бүтээгдэхүүнээр хангах, цаашлаад цагаан будаа болон бүх төрлийн будааг тариалахыг турших, хаврын тариалалт, ургац хураалтад ажиллах оюутан, цэргийн алба хаагчийг хүчийг дайчлах арга хэмжээг зохион байгуулах чиглэлээр ажиллаж байна.
Өнөөдөр Америкийн Нэгдсэн Улсаас Монгол улсад суугаа Элчин сайд Майкл Клечески болон Хууль зүй, дотоод хэргийн сайд Ц. Нямдорж, Хөдөлмөр, нийгмийн хамгааллын сайд С. Чинзориг, Монгол улсын Ерөнхий прокурор Б. Жаргалсайхан тэргүүтэй төрийн өндөр албан тушаалтнууд Монгол улсад хүүхдийг бэлгийн мөлжлөгийн зорилгоор худалдаалах, хүүхдийг албадан хөдөлмөр эрхлүүлэхтэй тэмцэхэд чиглэсэн Хүүхэд хамгааллын иж бүрэн түншлэл байгуулах түүхэн гэрээнд гарын үсэг зурсан байна.
Жирийн иргэн, хувь сонгогч өөрийн төлөө, амьдралынхаа төлөө тоо бодож, тооцоотой амьдарвал саналаа 20 мянган төгрөгөөр худалдах биш цалингаа 5 сая төгрөгт хүргэж, орон сууцанд амьдарч болохыг МАХН-ын мөрийн хөтөлбөрөөс үзэгчид ойлгож авлаа. Э.Эрдэнэжамъян амьдралаас тасарсан онол яриагүй.
Түүнчлэн өнөөдөр тус улсад хавьтагчдыг илрүүлэх, сорилтод хамруулах механизм боловсруулагдаж дууссан гэдгийг дуулгасан байна.
2019 оны VI-XII сард орон даяар зохион байгуулагдсан Төрийн байгууллагын ажлын зохион байгуулалт, архив, албан хэрэг хөтлөлтийн улсын үзлэгт нийт 5442 байгууллага хамрагджээ. Эдгээрээс 172 байгууллагад улсын үзлэг зохион байгуулах Төв комисс үзлэг, шалгалт хийсэн байна.
“Есөн Од Фүүдс” ХХК-аас 4,5 сая төгрөгийн үнэ бүхий “Алтанговь”брендийн бүтээгдэхүүнийг, “Нандин гэрийн боорцог” цехийн хамт олноос 20 кг боорцогийг тус тус Улсын онцгой комисст хүлээлгэн өглөө гэж Онцгой байдлын ерөнхий газраас мэдээллээ.
Вирусийн улмаас нас баралт хамгийн өндөр байгаа Италид мягмар гаригт нас барсан хүмүүсийн дурсгалыг хүндэтгэн нэг минут дуугаа хураан, орон даяар төрийн далбааг бөхийлгөжээ.
Буриадын ЭМЯ-ны хэвлэлийн албаны мэдээлснээр, хүүхдүүд вирусийн халдварт өртөх эрсдэл өндөр байгаа бөгөөд халдварын сэжигтэй хүмүүсийн дунд нэг ойтой хүүхэд байгаа гэнэ.
"Чингис хаан" музейн барилгын нээлтийн ажлыг эхлүүлэх арга хэмжээ болж байна.
“Чингис хаан” музей байгуулах ажлын бэлтгэл бүрэн хангагдаж, барилга угсралтыг эхлүүлэх гэж байна. Энэ үед Монгол Улсын Ерөнхий сайд У.Хүрэлсүх “Чингис хаан” музей байгуулах үйл ажиллагааг мэргэжлийн зөвлөгөөгөөр хангах чиг үүрэг бүхий “Эрдэмтдийн зөвлөл”-ийг дараах бүрэлдэхүүнтэй байгуулж захирамж гаргав.
УИХ-ын Сонгуулийн тухай хуулиар сонгуулийн сурталчилгаанд цахим орчин ашиглах зохицуулалтыг шинээр оруулсан. Нам эвсэл, нэр дэвшигч өөрийн тус бүр нэг цахим хуудсыг ашиглахаас гадна олон нийтийн сүлжээний болоод мэдээ мэдээллийн бусад цахим хуудсыг ашиглаж болно гэж хуульд заасан. Хууль дагаж гарах журмыг холбогдох байгууллагуудын саналыг үндэслэн батлах юм. Үүнтэй холбоотой зарим мэдээллийг Харилцаа холбооны зохицуулах газрын Өргөн нэвтрүүлгийн зохицуулалтын газрын дарга А.Лувсан-Очироос тодрууллаа.
Улсын хилийн 833-1 дугаар тэмдэгтээр 0.1 км урттай, 2 км өргөнтэй хээрийн түймэр Монгол Улсын хилийг даван ирснийг хилийн 5 дугаар засватын 11 алба хаагч, орон нутгийн 5 малчинтай хамтран 20:10 цагт унтраажээ.
Ерөнхийлөгч асан Ц.Элбэгдорж Токиогоос тусгай үүргийн онгоцоор маргааш эх орондоо ирэхээр болжээ. Тэрбээр энэ талаараа цахим хуудсаараа дамжуулан байр сууриа илэрхийлсэн байна.
МҮХАҮТ-аас өөрийн байрандаа Бизнес итгэлийн индексийн судалгааны дүн, эдийн засгийн нөхцөл байдлын талаар мэдээлэл хийж байна. Нийт 1500 компанийг судалгаанд хамруулжээ. Судалгаанд оролцогчид богиносгосон цагаар, онлайнаар ажлаа явуулж байгаа гэж хариулжээ. Орлого буурснаас ажлын байраа цомхотгосон гэж хариулжээ.