Тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн алба хаагчид 6 км замыг туулан 07:11 цагт хүрэлцэн очиход 5 ханатай гэр бүрэн шатаж нурсан байсныг 20 минут ажиллаж унтраасан. Уг гал түймэрт иргэн С /27 настай, эмэгтэй/ өртөж нас барсан байна. Цогцсыг цагдаагийн байгууллагад хүлээлгэн өгчээ.
Ойрын өдрүүдэд ихэнх нутгаар дулаарч цас мөс хайлж, шар усны үерт автах магадлал өндөр байна. Тиймээс Нийслэлийн 34 хорооны 1306 өрхөд нүүн шилжих мэдэгдэл хүргүүлжээ.
Хэрэв аудитын байгууллагаас улс төрийн намаас ирүүлсэн мөрийн хөтөлбөр хуулийн шаардлага хангаагүй гэсэн дүгнэлт гаргасан тохиолдолд 2024 оны дөрөвдүгээр сарын 10-ны өдрийн дотор тухайн нам, эвсэлд мэдэгдэх ба нам, эвслүүд алдаа зөрчлийг тав хоногийн дотор засч мөрийн хөтөлбөрөө дахин дөрөвдүгээр сарын 12-17-ны өдрүүдэд Үндэсний аудитын газарт хүргүүлнэ.
Эдийн засгийн худалдаа үйлчилгээний гол боомт. Замын-Үүдийн боомтоор цагт 900 зорчигч, зорчигч тээврийн 100 хэрэгсэл нэвтэрч байсан бол өнөөдөр 5000 зорчигч, зорчигч тээврийн 500 хэрэгсэл нэвтэрч, өдөрт 20 мянган хүнд үйлчлэх хүчин чадалтай болж, 24 цагаар ажиллах боломж бүрдлээ. Замын-Үүд боомтын боомилогдсон зангилаа ийнхүү тайлагдаж зорчигч, ачаа бараа нэвтрүүлэх хүчин чадал тав дахин нэмэгдэж байна.
Аргын тооллын 3 сарын 25, Сумъяа гараг. Билгийн тооллын буюу хаврын дунд сарын шинийн 15, Тугчин одтой, шар хулгана өдөр. Өдрийн наран мандах, жаргах цаг нь 6:44-19:12. Тухайн өдөр луу, бич жилтнээ аливаа үйлийг хийхэд эерэг сайн. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба гарагийг тахих, хүүхэд үрчлэн авах, хур оруулах, дархны үйлд сайн.
Булган аймгийн Орхон сумын харьяат "хөнхөр" хэмээх Магсарын Гомбодорж зааны нэрэмжит улс, аймгийн алдар цолтой хүчит 128 бөхийн барилдаанд Баянхонгор аймгийн Жинст сумын харьяат, “Алдар” спорт хороо, “ЭмСиЭс” групп, "Богд" банк, “Хос хаш оюу” ХХК, “Гал Хонгор” ХХК, “Хонгор нутаг ” дэвжээний бөх, улсын начин Энхтүвшиний Батмагнай түрүүлж, Архангай аймгийн Ихтамир сумын харьяат, “Хилчин” спорт хороо, “Түмэн шувуут” ХХК, “Бөхбилэгт” дэвжээний бөх, аймгийн өсөх начин Дашийн Төрбаяр үзүүрлэв.
Улаанбаатарт үүлшинэ. Цас орохгүй. Салхи баруун өмнөөс секундэд 5-10 метр. +6...+8 градус дулаан байна гэж Цаг уур орчны шинжилгээний хүрээлэнгээс мэдээллээ.
ОХУ-ын Москва хотод байрлах "Крокус" гэх концертын төвд Исламын улс гэх бүлэглэл террорист халдлага явуулсны улмаас амиа алдсан хүмүүсийн тоо 62 болж, шархдсан хүмүүсийн тоо 140 гаруй болоод байгаа талаар олон улсын мэдээллийн агентлагууд мэдээлж байна.
НЗДТГ-аас НҮБ-ын Хөгжлийн хөтөлбөртэй хамтран “Гэр хороололд сэргээгдэх эрчим хүчний шилжилтийг дэмжих замаар амьжиргааг нэмэгдүүлэх төсөл"-ийг хэрэгжүүлж буй. Энэ хүрээнд эрчим хүчний шилжилт хийх өрхүүдийг сонгон шалгаруулж байна. Уг төсөлд хамрагдсанаар айл өрхүүд гэрээ дулаалж, цахилгаан халаагуур, нарны буюу сэргээгдэх эрчим хүчинд холбогдох боломжтой.
Урьдчилсан байдлаар есдүгээр ангийн нэр бүхий зарим сурагчид хичээлийн завсарлагаагаар ариун цэврийн өрөөнд анги ангиараа талцан үл ялих шалтгаанаар маргалдаж, сурагч Ч нар нь бусдын биед халдсан нөхцөл байдал тогтоогдож, насанд хүрээгүй хохирогч нарын биед учирсан гэмтлийн зэрэг учирсан эсэхийг тогтоолгохоор Шүүх шинжилгээний үндэсний хүрээлэнд шинжээч эмч томилон үзүүлж, мөрдөн шалгах ажиллагаа явуулж байна.
Тодруулбал, анхан шатны шүүх нэр бүхий 48 хүнийг цагаатгаж шийдвэрлэснээс Д.Уянга, Т.Оюунчимэг, Б.Чинзориг, Ч.Цоожсүрэн, А.Хүчитбаатар, Г.Гантогтох, Б.Амгалан, О.Батбаатар, Ч.Отгочулуу, Ч.Нэргүй, М.Баянмөнх, Б.Найдалаа, Б.Лхагвасүрэн, Р.Батбаяр, М.Золжаргал, Г.Дашзэвгэ, Г.Одонтуул, Б.Батзаяа, Б.Цэрэндаваа, Г.Санжмятав, М.Цэлмэг, Ц.Содхүү, Н.Батбаяр, Б.Цолмон, Х.Ганхуяг, Г.Амартүвшин, Н.Алтанхуяг нарын 27 хүнийг цагаатгасан шийдвэрийг хэвээр үлдээв.
Н.Батбаярт холбогдох хэргийн хөөн хэлэлцэх хугацаа дууссан тул цагаатгав.
Тэгвэл өнөөдрийн хурлын шийдвэрээр УИХ-ын гишүүн Н.Алтанхуягт холбогдох хөгжлийн банкны хэргийн баримтууд нотлогдоогүй учир анхан шатны шүүхээс цагаатгасан тогтоолыг давж заалдах шатны шүүх хэвээр үлдээжээ.
Шүүх хурлаас УИХ-ын гишүүн Ё.Баатарбилэгт холбогдох хэргийг дахин хэлэлцэх шаардлагатай гэж үзэж, анхан шатны шүүхийн шийдвэрийг бүхэлд нь хүчингүй болголоо. Анхан шатны шүүхээс түүнд зургаан жилийн хорих ял оноосон байсан. Тэгвэл хэргийг дахин шалгаж үзэж, шүүхээр хэлэлцэх шаардлагатай гэж Давж заалдах шатны шүүхийн шүүгчид үзсэн байна.
Голомт банк дижиталчлалын эрин үетэй хөл нийлүүлэн алхаж, бүтээгдэхүүн үйлчилгээгээ дижиталаар авах шийдлийг идэвхтэй нэвтрүүлсээр байгаа билээ. Энэ хүрээнд дижитал цалингийн зээл, дижитал тэтгэврийн зээл, дижитал ПОС-ын орлого барьцаалсан зээлийн бүтээгдэхүүнийг гаргаж, хэрэглээнд амжилттай нэвтрүүлсэн бол энэ удаа Дижитал хэрэглээний зээлийг шинээр гаргалаа.
Нийслэл Улаанбаатар хотод их багтаамжийн нийтийн тээврийн хэрэгсэл буюу метро барих төслийн зөвлөх үйлчилгээ үзүүлэх олон улсын нээлттэй тендерийн сонгон шалгаруулалтыг Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд зааснаар хоёр үе шаттай зохион байгуулж байна. Тендер шалгаруулалтын нэгдүгээр үе шатыг 2024 оны хоёрдугаар сарын 29-ний өдөр зарлаж, гуравдугаар сарын 18-ны өдөр сонирхогч этгээдээс ирүүлсэн техникийн саналыг хүлээн авч дууссан бөгөөд одоогоор техникийн шийдлийг судалж, тендерийн баримт бичгийг эцэслэн боловсруулж байна.
Бизнес эрхлэгчдийн амжилтыг ахиулж, өрсөлдөх чадварыг нь нэмэгдүүлэх, олон улсын бизнесийн чиг хандлага, тогтвортой хөгжил, ногоон санхүүжилтийн ойлголт, боломжуудыг таниулах, тэдгээрийг бизнесийн үйл ажиллагаандаа нэвтрүүлэх, хэрэгжүүлэх арга замуудыг олж нээх, улмаар хөнгөлөлттэй нөхцөл бүхий ногоон санхүүжилт авч бизнесээ өргөжүүлэхэд нь туслах зорилгоор тус хөтөлбөрийг үнэ төлбөргүй зохион байгуулж байна.
Зээлийн хүүг бууруулахгүй байх сонирхол одоогийн 76 гишүүний дотор бий. Тэд банк банк бус санхүүгийн байгууллагатай, тэрнийх нь эрх ашиг хөндөгдөх гээд байгаа юм. Монгол банкны зээлийн санг өөрчлөх хүсэл алга. Улстөрийн намуудад шаардлага хүргүүлж байна. Бид нар энэ мөнгө хүүлэгчдийн машин болчихжээ. Өнөөдөр өрнөөс болж ямар дарамт учирч байгааг гишүүд мэдэхгүй шүү дээ.
УИХ-ын гишүүн, Спортын сайд Б.Бат-Эрдэнэ "Одоо бүр санаа амар болчихож. Миний утсанд хэн нэгэн дурын хүн элдвээр дайрч, гүтгэсэн, доромжилсон мессеж бичиж скрийншот хийгээд, "БА" аваргын утсанд ийм мессеж иржээ гэж байгаа юм. Монгол хүний үзэл сурталд байж болохооргүй үйлдэл. Намайг турж үхсэн хүний удам Бадмаанямбуугийн Бат-Эрдэнэ гэсэн. "Баянбулагтаа тайван нойрс" гэдэг чинь юу гэж байгаа юм, шууд үхүүлж байгаа юм уу. Сошиал, нийгмийн харилцаа чинь хүний хүмүүнлэг байдлаас бүүр хэтэрсэн байдалтай байна" гэлээ.
Малчдад туслахаар өнөөдрийн байдлаар 49 иргэн, 128 ААН, байгууллагаас 3.3 тэрбум төгрөгийн мөнгөн хандив, таван иргэн, 29 ААН, байгууллагаас 809 сая төгрөгийн 74,252 ширхэг бараа материалын хандивыг УОК-т ирүүлсэн байна. Эдгээрийг аймаг орон нутагт хуваарилан хүргүүллээ.