Сүүлийн 24 цагийн хугацаанд улсын хэмжээнд 103 халдвар шинжилгээгээр батлагдлаа. Үүний 50 нь Улаанбаатарт, 53 нь орон нутагт бүртгэгдсэн байна. Харин нас баралт бүртгэгдээгүй байна. Өнөөдрийн байдлаар эмнэлэгт 250 хүн хэвтэн эмчлүүлж байна. Тэднээс 7 хүн хөнгөн байна.
Цаг уурын байгууллагаас гаргасан мэдээлэлэр баруун аймгуудын нутгаар хур тунадас багатай, дулаахан байх боловч төвийн нутгийн хойд хэсэг болон зүүн зүгийн нутгийн баруун хэсгээр агаарын температур олон жилийн дунджаас дулаан, хур тунадас ахиу орох төлөвтэй байна.
Өмнөговь аймгийн Мандал-Овоо сумын Баянхошуу багийн “Цавын-Энгэр” гэдэг газар 05.30-ны өдрийн 20:30-21:00 цагийн хооронд салхины хүч 18-20 м/с хүрсний улмаас 5 ханатай гэр нурсан тухай мэдээллийг хүлээн авсан байна.
Олимпиад өнөөдөр буюу зургаадугаар сарын 2-ний өдөр МУИС-ийн номын сангийн байранд болох аж. Тус олимпиад бүх их, дээд сургуулийн оюутнуудад нээлттэй байдлаар бүртгэсэн бол өнөөдрийн байдлаар арав гаруй их дээд сургуулийн нийт 100 орчим оюутнууд оролцохоор болжээ. Харин хөдөө орон нутгаас эхний шатны шалгаруулалтад тэнцсэн таван аймгийн оюутнууд оролцох юм.
“Монгол ньюс” мэдээллийн төвд хорт хавдартай хүүхдүүдийн ээжүүд НҮБ-д албан ёсоор гомдол гаргах болсон талаараа мэдээлнэ.
Пүрэв гарагийн мэнд. Урин цаг иржээ. Улсын нийслэл Улаанбаатар хотод шинэ ажлын өдөр эхэллээ. Өнөө өглөө иргэд илүү тайван байж, автобусандаа амжиж, багтаж сууж харагдана. Мөн өглөөний агаарт зарим иргэд ажилдаа алхаж явна. ЕБС-ийн 1-3 дугаар ангийн сурагчдын зуны амралт ирэх даваа гарагаас эхэлнэ. Тиймээс сурагчдын зуны амралтыг хэрхэн хөгжилтэй мөн үр дүнтэй өнгөрөөх санааг хүргэж байна.
Бүгд Найрамдах Социалист Вьетнам Улсын Засгийн газар 2022 оны 5 дугаар сарын 15-ны өдрөөс эхлэн тус улс руу зорчих зорчигчдыг коронавируст халдвар /Ковид-19/-ын бх-ПГУ шинжилгээнд хамрагдсан байх шаардлагаас чөлөөлөв.
Боловсрол, шинжлэх ухааны сайдын А/38 дугаар тушаалаар Ерөнхий боловсролын сургуулийн 2021-2022 оны хичээлийн жилийн II, III дугаар улирал буюу хоёрдугаар хагас жилийн эхлэх, дуусах хугацааг тогтоосон. Энэхүү хуваарийн дагуу ерөнхий боловсролын сургуулийн II хагас жилийн хичээл 02 дугаар сарын 14-ний-өөс 04 дүгээр сарын 01 хүртэл үргэлжилж, 04 дүгээр сарын 04-10-ны өдрүүдэд нэг долоо хоног амарсан.
Вакцинжуулалт эхэлснээс хойш нийслэлийн зорилтот хүн амын I тунгийн хамралт 75.2 хувь, II тунгийн хамралт 72.1 хувь, III тунгийн хамралт 54.1 хувь, нэмэлт IV тунгийн хамрагдалт 6.9 хувь байна. Нийслэлийн хэмжээнд нийт 1.081.496 иргэн дархлаажуулалтын бүрэн тунд хамрагджээ.
Энэ жилийн хувьд Монголын 3х3 сагсан бөмбөгийн холбооноос найман тэмцээн зохион байгуулахаар төлөвлөсний нэг нь энэхүү “Улаанбаатар кап 2022” 3х3 сагсан бөмбөгийн тэмцээн юм. Хотын спортын гол төрөл хэмээн олон улсад нэрлэгддэг, олимпын наадмын албан ёсны төрөл болох 3x3 сагсан бөмбөгийн тэмцээнийг Сүхбаатарын талбайд тавдугаар сарын 16-наас эхлэн стандартын дагуу зассан талбайд зохион байгуулж дууслаа.
Нутгийн хойд хэсгээр үүлшиж, бороо, дуу цахилгаантай аадар бороо орно. Бусад нутгаар солигдмол үүлтэй, бороо орохгүй. Ихэнх нутгаар баруунаас секундэд 5-10 метр, Алтайн салбар уулсаар секундэд 14-16 метр хүрч ширүүснэ. Алтай, Хангай, Хөвсгөлийн уулархаг нутгаар 16-21 хэм, говь, талын 28-33 хэм, бусад нутгаар 23-28 хэм дулаан байна.
Хүүхэд байгаа орчиндоо эрүүл, аюулгүй, өсөн торниж, хөгжиж, өв тэгш хүмүүжилтэй иргэн болон төлөвшихөд нь гэр бүлийн гишүүдийн оролцоог нэмэгдүүлэх нь гол хүчин зүйл болдог. Тэгвэл энэ жил аймгууд “Хүүхдийн баяр”-т дээрх санааг дэвшүүлэн “Нэгдүгээрт хүүхэд” гэсэн уриалгатайгаар тэмдэглэж байна.
Ойрын хоногуудад нутгийн өмнөд хэсгээр халж, нутгийн хойд хэсгээр бага зэргийн бороо орно.
Өнөөдөр олон улсын хүүхдийн эрхийг хамгаалах өдөр. Дэлхийн хүүхдүүдийн хамгийн жаргалтай өдөр. Тэд энэ л өдөр амьдралынхаа олон сайхан дурсамжуудыг бүтээдэг. Тэгвэл бид энэ удаа хүүхдийн баярын тусгай сурвалжилгаа эхийн алдар одонгоо энгэртээ зүүгээд баярлаж буй ээж, бэрдээ баяр хүргэхээр хүлээж буй аав, гэргийгээрээ бахархах нөхөр, хүүхдээ хэрхэн баярлуулахаа төлөвлөн суугаа бүсгүй, үрстэйгээ хуучлан суух ач зээгийн хайртай эмээ, ажиллаад тун ч завгүй байх залуугийн хүүхэд насны дурсамжаас бэлтгэлээ.
Нийслэлийн Засаг даргын захирамжаар "Олон улсын хүүхдийн эрхийг хамгаалах өдрийг тэмдэглэн өнгөрүүлэх” Ажлын хэсэг байгуулагдаж, төлөвлөгөөний дагуу бэлтгэл ажлыг хангаад байна.
Олон улсын хүүхдийн эрхийг хамгаалах өдрийг манай улс 1952 оноос тэмдэглэж эхэлсэн бөгөөд энэ жил 70 жилийн ой тохиож байна.
Өнгөрсөн ням гарагт 2020 оны тавдугаар сараас эхлэн МЗХ-ны Ерөнхийлөгчөөр томилогдсон О.Гэрэлт-Од хууль бусаар “Их хурал” нэртэй 30 гаруй хүний бүрэлдэхүүнтэйгээр хуралдаж, холбооны тамга, тэмдэг, эрх мэдлээ шилжүүлж өгсөн. Үүний ард МАН-ын тодорхой албан тушаалд очих тохироогоор тус ажлаа өгсөн гэдэг мэдээлэл бидэнд байгаа юм. Тиймээс энэ талаар ч мөн хуулийн байгууллагад шалгуулах хүсэлтэй байгаа.
Дэлхийн сүүний өдөр”-ийг жил бүр уламжлал болгон зохион байгуулан өнгөрүүлдэг. Энэ жилийн хувьд Дэлхийн сүүний өдрийг тохиолдуулан ХХААХҮЯ-аас хүүхэд багачуудын дунд сүү, сүүн бүтээгдэхүүнийг хэрэглээндээ түлхүү оруулах зорилгоор нийт мянган хүүхэд багачуудад сүү, аарц, зайрмаг бэлэглэх өдөрлөг зохион байгуулах гэж байна. Тус өдөрлөг нь “Сүхбаатарын талбай”-д маргааш буюу зургаадугаар сарын 1-ний өдөр болох ба 13:30 цагаас хойш нэг цагийн хугацаанд үргэлжлэх юм.
IPF төрөлд анх удаа -120 килограммын жинд өрсөлдлөө. Өмнө нь -105 килограммын жинд өрсөлддөг байсан. Анх удаа -120 килограммын жинд өрсөлдөж, дэлхийн рекордыг шинэчлэн тогтоосондоо баяртай байна. 260 килограммыг өргөх төлөвлөгөө тооцоотой байсан. Зургаадугаар сарын 12-нд пауэрлифтингийн Азийн аварга шалгаруулах тэмцээнд оролцохоор төлөвлөж байгаа. Бүх тамирчин, дасгалжуулагч байнгын бэлтгэл сургуулилттай байдаг
Дулааны улиралтай зэрэгцэн эхэлдэг барилга угсралтын ажил аюулгүй байдлыг огт хангадаггүйг энэ зургаас харж болно. Өргөх механизм нь хүний толгой дээр унаад ирэхэд бэлэн ийм л нөхцөл байдал. Ямар ч хараа хяналтгүй, аюулгүй байдлыг огт хангаагүй хүний эрүүл мэнд, амь насанд заналхийлсэн дүр зураг.