Амралтын өдрүүдэд баруун, төв, говийн аймгуудын нутгаар их хэмжээ цас үргэлжлэн орно
Иймд зам, даваанд халтиргаа гулгаа, мөстөлт үүсэж, хаагдах нөхцөл бүрдэж байгааг анхааруулж, доорх зөвлөмжийг хүргэж байна.
Өвөрхангай-Баянхонгор чиглэлийн замыг хаалаа
Зам, тээврийн хөгжлийн сайд Л.Халтарын тушаалаар Арвайхээр-Баянхонгор чиглэлийн авто замыг хааж, хөдөлгөөнийг зогсоолоо.
Э.Шижир: Засгийн газар болон олон нийтээс хүлцэл өчиж байна
Бидний зүгээс анх хөрөнгө оруулалтын гэрээ байгуулагдсанаас хойш 12 жил, концессын гэрээний хэлбэрт шилжиж ажиллаж эхэлснээс хойш 8 жилийн хугацаанд Монгол улсынхаа ган үйлдвэрлэгч болох төсөл зорилгодоо үнэнч хэвээр, төслийнхөө ард гарна гэсэн чин хүсэлтэйгээр ажиллаж эхэлсэн. Одоо ч хүсэл эрмэлзэл маань унтраагүй байна.
КОВИД-19: Улсын хэмжээнд 41 халдвар шинээр бүртгэгдлээ
Сүүлийн 24 цагийн хугацаанд улсын хэмжээнд 41 халдвар шинжилгээгээр батлагдлаа. Үүний 25 нь Улаанбаатарт, 16 нь орон нутагт бүртгэгдсэн байна. Харин нас баралт бүртгэгдээгүй байна. Өнөөдрийн байдлаар эмнэлэгт 163 хүн хэвтэн эмчлүүлж байна. Тэднээс 8 хүн хөнгөн байна.
Энэтхэг Улсаас цагаан будаа, элсэн чихэр нийлүүлэх талаар ярилцжээ
Сайд Б.Батцэцэг Монгол, Энэтхэгийн Стратегийн түншлэлийн харилцаа эрчимжин хөгжиж байгааг дурдаад хоёр улсын аюулгүй байдал, батлан хамгаалахын салбарын хамтын ажиллагаа хоёр орны харилцааны нэг чухал хэсэг болон төлөвшин хөгжиж байгааг тэмдэглэв. Мөн цар тахлын дараах дэлхий дахинд үүсээд буй эдийн засгийн хямрал, хүнсний хомсдол үүсэхээс сэргийлэх хүрээнд хүнс, хүнсний бүтээгдэхүүний импортыг төрөлжүүлэх, Энэтхэг Улсаас цагаан будаа, элсэн чихэр зэрэг бүтээгдэхүүнийг нийлүүлэх боломжийн талаар ярилцав.
Дорнод аймгийн Чойбалсан суманд хээрийн түймэр гарчээ
Тус аймгийн Онцгой байдлын газар, Хилийн 0132 дугаар ангийн алба хаагчид, тус сумын Засаг даргын Тамгын газрын ажилтнууд хээрийн түймрийг унтраахаар ажиллаж байна. Уг түймэр нь Монгол Улсын хилийн 1509-1512 дугаар тэмдэгтийн чиглэлээр БНХАУ-ын нутаг дэвсгэрт 500 орчим метрт тархан шатаж байгаа аж.
"IPO-Mongolia" хөрөнгийн зах зээлийн олон улсын чуулга уулзалт болно
“Мишээл Экспо” төвд үнэт металл, үнэт чулуугаар бүтээгдэхүүн үйлдвэрлэгч, урлагч гоёлын бүтээгдэхүүн үйлчилгээг сурталчлан таниулах “MONGOLIAN JEWELLERY & METAL EXPO-2022” үзэсгэлэнгийн нээлт болно.
М.Нямдаваа: Төсвийн тодотголд хөдөлмөрийн хөлсний доод хэмжээг нэмэх зардлыг тусгах шаардлагатай
МҮЭХ-ны саналын дагуу хөдөлмөр нийгэм түншлэлийн гурван талт үндэсний хороо хөдөлмөрийн хөлсний доод хэмжээг шинэчлэн тогтоох асуудлаар хоёр удаа хуралдаад байна. Гэвч талууд санал нэгдэхгүй байгаа. Тухайлбал, хөдөлмөрийн хөлсний доод хэмжээний тухай хуулийн 7.2 дугаар заалт буюу хөдөлмөрийн хөлсний доод хэмжээг шинэчлэн тогтоосон тохиолдолд дараа оны 01 дүгээр сарын 01-нээс хэрэгжих хуулийн зохицуулалтыг 2021 онд Хөдөлмөрийн хуулийг батлахдаа дагалдах хуулиудтай хавсаргаж, өөрчлөлт хийсэн байдаг.
Өнөөдөр ажиллах дархлаажуулалтын цэгүүд
Өнөөдөр Улаанбаатар хотод суурин 48 цэгт 48 багийн 194 эмч, ажилтан ажиллана. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-16:00 цаг хүртэл ажиллана.
Улаанбаатарт 9 хэм дулаан байна
Өнөөдөр Алтай, Хангайн уулархаг нутгаар ахиухан хэмжээний нойтон цас үргэлжлэн орж, зөөлөн цасан шуурга шуурч, зам даваанд халтиргаа гулгаа үүсэж, хаагдаж болзошгүйг анхааруулж байна.
Жагсаалт: Нийтийн эдэлбэрт бүртгэх 25 байршил
НИТХ-аас тогтоол гарч, 2019 онд 32 байршлын 57.66 га, 2020 онд 38 байршлын 130 га газар, 2021 онд 38 байршлын 20.67 га газар буюу нийт 108 байршлын 208.33 га газрыг нийтийн эдэлбэрт бүртгэжээ. Харин энэ жилийн хувьд нийслэлийн зургаан дүүргийн 25 байршлын 17 га газрыг нийтийн эдэлбэрт бүртгэхээр төлөвлөсөн байна.
КОВИД-19: Улсын хэмжээнд 30 халдвар шинээр бүртгэгдлээ
Сүүлийн 24 цагийн хугацаанд улсын хэмжээнд 30 халдвар шинжилгээгээр батлагдлаа. Үүний 29 нь Улаанбаатарт, 1 нь орон нутагт бүртгэгдсэн байна. Харин нас баралт бүртгэгдээгүй байна. Өнөөдрийн байдлаар эмнэлэгт 165 хүн хэвтэн эмчлүүлж байна. Тэднээс 12 хүн хөнгөн байна.
Хотын дарга дээд лигийн долоон удаагийн аварга “Хасын хүлэгүүд” багийнхантай уулзлаа
“Хасын хүлэгүүд” баг Монголын сагсан бөмбөгийн 2022 оны "Янзтай дээд лиг"-ийн аварга болсноор долоо дахь удаагаа түрүүлсэн цорын ганц багаар тодорсон. Нийслэлийн Засаг дарга бөгөөд Улаанбаатар хотын Захирагч Д.Сумъяабазар тус багийнхантай уулзаж, баяр хүргэлээ. Энэ үеэр Хотын дарга “Нийслэлийн удирдлагуудын санаачилж буй сагсан бөмбөгийн “3х3”-ын талбайн бүтээн байгуулалтад та бүгдийн санаачилга, оролцоо маш чухал. Монголын хүүхэд, залуусыг спортод дурлуулж, ирээдүйг нь бэлтгэх ёстой. Ер нь спортоор хичээллэдэг хүн манлайлах чадвартай байдаг. Аливаа зүйлд бууж өгөхийг, ялагдахыг хүсдэггүй. Тэр зан чанарыг зөв хүмүүжилтэй холбох хэрэгтэй. Тэгж байж хүчирхэг монгол ирээдүй бүрдэнэ” хэмээн онцолж байв.
Тариалан эрхлэгчдийн улсын зөвлөгөөн болж байна
"Корпорейт энд Конвейншн центр"-т Атрын IV аяны хүрээнд "Эх орны-Эрүүл хүнс үйлдвэрлэгч" тариалан эрхлэгчдийн улсын зөвлөгөөн болно.
Улаанбаатар-Эрхүү чиглэлд энэ сарын 30-наас галт тэрэг аялна
Эрхүүгийн чиглэлийн галт тэрэг Улаанбаатараас 2022 оны 04-р сарын 30-ны өдрөөс, Эрхүүгээс 2022 оны 04-р сарын 29-ний өдрөөс эхлэн аялах гэж байна.
Нийслэлийн хэмжээнд 46 цэгт иргэдийг дархлаажуулна
Өнөөдөр Улаанбаатар хотод суурин 46 цэгт 46 багийн 185 эмч, ажилтан ажиллана. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-16:00 цаг хүртэл ажиллана.
Улаанбаатарт 6 хэм дулаан байна
Өнөөдөр Алтай, Хангайн уулархаг нутгаар ахиухан хэмжээний нойтон цас үргэлжлэн орж, зөөлөн цасан шуурга шуурч, зам даваанд халтиргаа гулгаа үүсэж, хаагдаж болзошгүйг анхааруулж байна.
“Кью эс си” компанийн концессын гэрээг цуцаллаа
Концессын гэрээ байгуулах тухай Засгийн газрын 2015 оны хоёрдугаар сарын 28-ны өдрийн 69 дүгээр тогтоолыг хүчингүй болголоо. Энэ шийдвэртэй холбогдуулан Эдийн засгийн хөгжлийн яам болон “Кью эс си” ХХК-ийн хооронд 2014 оны дөрөвдүгээр сарын 4-нд байгуулсан “Уул уурхай, металлургийн цогцолбор байгуулах төслийг хэрэгжүүлэх” концессын гэрээг цуцалсан тухай мэдэгдлийг “Кью эс си”-д хүргүүлэх, “Дарханы төмөрлөгийн үйлдвэр” ХК-ийн удирдлагын эрх болон хөрөнгийг “Кью эс си”компаниас шилжүүлж авахыг холбогдох хүмүүст Засгийн газрын хуралдаанаас үүрэг болголоо.
ФОТО: Цастай Улаанбаатар
Цаг уур, орчны шинжилгээний газраас ирүүлсэн мэдээгээр өнөө, маргаашдаа нутгийн төв хэсгээр нойтон цас орж, зөөлөн цасан шуурга шуурч, зам даваанд халтиргаа гулгаа үүсч болзошгүй байна.
ШУУРХАЙ: Хот хоорондын зарим чиглэлийн нийтийн тээврийг түр хязгаарлалаа
Тодруулбал, нийт нутгаар цас орж, хүйтрэн авто замын зорчих хэсэгт халтиргаа гулгаа үүсч, Сэлэнгэ аймгийн нутаг Цайдам, Хустайн даваа, Баяндаваа орчмын замын нөхцөл байдал хүндэрсэн учир орон нутаг болон Улаанбаатар хот талаас /Сэлэнгэ, Дархан-Уул, Орхон, Булган, Хөвсгөл аймгийн чиглэлд/ тээвэрлэлт гүйцэтгэхээр төлөвлөгдсөн 8 чиглэлийн 215 зорчигчтой 29 автобусны хөдөлгөөнийг хязгаарласан байна. Тасалбар бичүүлсэн иргэдийн төлбөрийг 100 хувь буцаан олгож, буцаалт хийхгүй иргэдийг маргааш замын нөхцөл байдлыг харгалзан тухайн цагуудад тээвэрлэхээр шийдвэрлэжээ.