Ховд аймагт гэрээсээ гараад сураггүй болсон 4 настай эрэгтэй хүүхдийг эсэн мэнд олжээ. Тодруулбал, Ховд аймгийн Ховд сумын Баянбулаг багийн “Эхэн худаг” гэдэг газар тус сумын харьяат иргэн А-гийн хүү А /4 настай, эрэгтэй/ 01.20-ны өдрийн 10:00 цагийн орчимд гэрээсээ гараад сураггүй болсон тухай дуудлагыг 01.20-ны өдрийн 19:20 цагт хүлээн авсан байна.
Тус үйлдвэрийг 2022 оны намар бүрэн зогсоож тухайн бүсэд ногоон төгөл, цэцэрлэгт хүрээлэн байгуулж, хөрс орчны бохирдлыг бууруулна.
Өнөөдөр Улаанбаатар хотод суурин 156, түр 2 цэгт 158 багийн 741 эмч, ажилтан ажиллаж, 7800 иргэнийг дархлаажуулахаар төлөвлөлөө. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-18:00 цаг хүртэл ажиллана.
Анх 2021 оны 10 дугаар сарын 04-нөөс 11 дүгээр сарын 21 хүртэл сайн дурын 52 жолооч ажиллуулж, ковидын халдварын тархалт намжсан учраас зогсоосон. Одоо омикрон халдварын дэгдэлттэй холбогдуулан энэ ажлыг дахин хэрэгжүүлж байна. Бид сайн дурын жолоочоор ажиллахаар ирсэн хүмүүст нөхцөлөө танилцуулж байгаа. Төсвөөс шалтгаалах авах жолоочийн тоо хязгаартай. Эхний ээлжинд 10 жолоочийг авч, ажиллуулж байна.
“Заа бүтээгдэхүүнээ амсаж үзээд аваарай, энэ хэд вэ, чихэртэй, чихэргүй гэж байгаа юу” гэсэн асуулт хөглөрөх энэ хэсэг газар бол Архангайн цагаан идээний үзэсгэлэн худалдаа. Тодруулбал, Тусгаар тогтнолын талбайд “Архангайн цагаан идээ” үзэсгэлэн худалдаа болж байгаа нь энэ. Архангай аймгийн 19 сумын малчид, цагаан идээ үйлдвэрлэгчид олон төрлийн цагаан идээ бүтээгдэхүүнээ борлуулахаар иржээ. Ингэхдээ сум сумаараа асарт байрлаж, бүтээгдэхүүнээ борлуулж байлаа.
БОАЖ-ийн сайд Б.Бат-Эрдэнэ сайжруулсан шахмал түлшний чанарын асуудлаар Тавантолгой түлш ХХК-ийн зүүн бүсийн үйлдвэрт ажиллав.
БНСУ-ын хорио цээр, халдварт өвчинтэй тэмцэх алба БНСУ-ыг зорьж буй зорчигчид 72 цагийн дотор PCR шинжилгээ өгсөн байх журмыг 48 цагийн дотор болгон өөрчиллөө. Уг журам 2022 оны 1 дүгээр сарын 20 буюу өнөөдрөөс хэрэгжиж эхэлж байна.
Хөвсгөл нуурын мөсний зузаан Хатгал тосгон болон Ханх суманд 30-35 см байгаа нь олон жилийн дунджаас 10-25 см бага байна.
Сүүлийн 24 цагийн хугацаанд шинээр 3119 тохиолдол шинжилгээгээр батлагджээ. Үүний 1725 нь Улаанбаатарт, 1394 нь орон нутагт бүртгэгджээ. Мөн хугацаанд халдварын суурь шалтгаантай 3 нас баралт бүртгэгдсэн. Өнөөдрийн байдлаар эмнэлэгт 9748 хүн хэвтэн эмчлүүлж байна. Тэдний 3214 нь хөнгөн бол 76 хүний биеийн байдал нэн хүнд байна.
Нийслэлийн долоон дүүргийн 12 амбулаторид ковидын үзлэг хийхээр зохион байгуулалт хийлээ. Тодруулбал, энэхүү амбулаториудаар ковид туссан нь шинжилгээгээр батлагдсан иргэд үйлчлүүлэх бөгөөд рентген шинжилгээ өгөх боломжтой юм. Тус амбулаториуд ажлын өдрүүдэд 09:00-20:00 цаг, амралтын өдрүүдэд 10:00-15:00 цаг буюу уртасгасан цагаар ажиллана.
-Нийслэлийн хэмжээнд эмч, эмнэлгийн ажилтнууд халдварт өртөж, үлдэж буй ажилтнуудын ачаалал нэмэгдэж байгаагаас үүдэн мэргэшигч эмч нарыг дайчлан ажиллуулж байна. Дүүргүүдээс Чингэлтэй дүүргийн улаан бүсэд ажиллаж буй эмч нарын 40 хувь нь өвдсөн байна. Хан-Уул дүүрэгт ч байдал хүнд байна. Цаашид нийслэлд халдварын батлагдсан тохиолдол нэмэгдсээр байвал эмнэлгүүдэд хүний нөөц хомсдох эрсдэлтэй. Тиймээс салбарын яаманд хандаж, мэргэшигч эмч нарын тоог нэмэгдүүлэх хүсэлт гаргасан.
Корпорэйт конвейншн центрт “Барилгын материалын худалдаа эрхлэгчдийн уулзалт” болно. "Шонхор" цамхагт АН-ын 4/11 Мэдээллийн цаг болно.
БОАЖ-ын сайд Б.Бат-Эрдэнэ Таван толгой түлш ХХК-ийн Зүүн бүсийн үйлдвэрт ажиллажээ.
Өнөөдөр нийслэлийн хэмжээнд I тунд 57, II тунд 92, III тунд 1953, IV тунд 2290, нийт 4392 иргэнийг дархлаажууллаа. Вакцинжуулалт эхэлснээс хойш нийслэлийн нийт хүн амын I тунгийн хамралт 75.1 хувь, II тунгийн хамралт 71.9 хувь, III тунгийн хамралт 51.2 хувь, нэмэлт IV тунгийн хамрагдалт 3.8 хувь байна.
Шороон үхрийн шинжээр нь үзвэл дөрвөн шийр, толгой нь хөх, бие нь ногоон, хоёр чих, эвэр, сүүл нь шар өнгөтэй байна. Үхэр хариулаач нь шар дээл, ногоон бүстэй, унгасан шилбүүртэй идэр залуу үхрийнхээ баруун талд яваагаар дүрслэгджээ. Дээрх зураглалаас жилийн байцыг ажвал дөрвөн улирлын эхэнд хур ус ихтэй байна. Тиймээс хүйтэн болоод бадган өвчин дэлгэрэх нигууртай. Үхэр хариулаач нь залуу хөвүүн учир залууст их сайн бол нялхас, хүүхдүүдэд дунд зэрэг, өтгөс буурлуудад ширүүн жил болно. Тиймээс иргэд хувцас, хоол хүнсээ тохируулж хэрэглэх хэрэгтэй.
УОК-ын Шуурхай ажлын хэсэг өчигдөр цахимаар хуралдаж, цар тахлын нөхцөл байдлын талаарх эрүүл мэндийн байгууллагуудын мэдээллийг сонсож, хариу арга хэмжээний явцын талаар хэлэлцэж, Шадар сайд С.Амарсайхан ажлын хэсгийн гишүүдэд тодорхой үүрэг чиглэл өгсөн.
Хүнсний 4-р дэлгүүрийн гэрлэн дохион уулзвар дээр гурван автобус, гурван машин мөргөлдсөн осол гарсан. Ослын улмаас таван иргэн ГГССҮТ рүү хүргэгдсэн гэх мэдээлэл цахим орчинд тархсан.
Сүүлийн өдрүүдэд тохиолдлын тоо эрс нэмэгдэж байна. Тохиолдлын тооны гол үзүүлэлт нь PCR шинжилгээ юм. Оны өмнө шинжилгээнд эерэг эзлэх 4-5 хувь байсан бол одоо 4 дахин нэмэгджээ. ХӨСҮТ-д хэрэгжүүлж буй хариа арга хэмжээнд өөрчлөлтүүд орсон. Өнгөрсөн оны 11 болон 12 дугаар сард илүү эрсдэлд суурилсан хариу арга хэмжээ буюу хилийн тандалт судалгаа хийж байсан. Харин одоо дотоодын халдвар ихэссэнтэй холбоотойгоор эрсдэл бүхий хүн амд чиглэсэн тандалтын хариу арга хэмжээ авч хэрэгжүүлж байна.
Баян-Өлгий аймагт Дулааны станцын зуух бууджээ. Тодруулбал, Баян-Өлгий аймгийн Өлгий сумын Их булан 4 дүгээр багт аймгийн Дулааны станцын зуух буудсан гэсэн дуудлагыг өчигдөр /01.18-ны/ өдрийн 19:06 цагт хүлээн авсан байна. Тус аймгийн Онцгой байдлын газрын Гал түймэр унтраах, аврах 31 дүгээр ангийн алба хаагчид 1 км замыг туулан 19:08 цагт очиход “ЭРЧИМ БАЯН-ӨЛГИЙ” ХХК-ийн дулааны станцын 4 зуухны нийлбэр халуун ус гарах хэсгийн гол шугам /П530/ буудаж, хагарсан байсныг шалгаж зөвлөгөө өгч ажилласан.
Сүүлийн 24 цагийн хугацаанд шинээр 3088 тохиолдол шинжилгээгээр батлагджээ. Үүний 1708 нь Улаанбаатарт, 1380 нь орон нутагт бүртгэгджээ. Мөн хугацаанд халдварын суурь шалтгаантай нас баралт бүртгэгдээгүй байна. Өнөөдрийн байдлаар эмнэлэгт 8882 хүн хэвтэн эмчлүүлж байна. Тэдний 2862 нь хөнгөн бол 53 хүний биеийн байдал нэн хүнд байна.