Их, дээд сургууль, коллежид 2022-2023 оны хичээлийн жилд бакалаврын зэргийн хөтөлбөрт оюутан элсүүлэх ерөнхий шалгалтын үндэсний хэмжээний босго оноог тогтоолоо. Төрийн болон төрийн бус өмчийн сургуулиудын босго оноо ижил байхаар байхаар шийдвэрлэжээ.
Цаг уурын байгууллагын ирүүлсэн мэдээллээр өнөөдөр буюу 5-ны өдрийн байдлаар Хэнтий нурууны баруун хажуугийн Туул, Ерөө, зүүн хажуугийн Онон, Хангай нурууны арын Идэр болон Сэлэнгэ мөрний эх, Алтай нуруунаас усжих Ховд, Бодонч, Булган голын дагууд усны түвшин өмнөх өдрийнхөөс 10-45 см нэмэгдэж, олон жилийн дунджийг 50-100 см даван үерлэж байна.
Монгол Улсын Ерөнхийлөгчийн 2003 оны 105-р зарлигаар жил бүрийн тавдугаар сарын эхний ням гаригийг Монголын үндэсний бичиг үсгийн баярын өдөр болгож, үндэсний хэл бичиг, түүнтэй холбогдолтой ёс заншил, уламжлал, өвийг судлах, сурталчлах талаар олон нийтэд чиглэсэн олон талт арга хэмжээг зохион байгуулж, олонд хүртээлтэй их ажил өрнүүлэн нийтээрээ тэмдэглэж ирсэн уламжлалтай. тэгвэл энэ өдрийг тохиолдуулан "Монгол уран бичлэгийн үзэсгэлэн-2022” боллоо.
Иргэдийг идэвхтэй хөдөлгөөнд уриалах зорилгыг агуулсан “Энхийн гүйлт” тавдугаар сарын 14-нөөс долдугаар сарын 7-нд болно. Энэхүү гүйлтэд АНУ, ОХУ, Унгар, Австрали, Нидерланд, Шинэ Зеланд улсын гүйгчид оролцохоо мэдүүлжээ. “Энхийн гүйлт”-ийг Сүхбаатарын талбайгаас эхлүүлж, 21 аймаг, 108 сумын нутаг дэвсгэрээр нийт 7250 км замыг 54 хоногт туулна гэв. “Энхийн гүйлт” нь хүн төрөлхтний эв нэгдэл, энх амгалан дэлхийг цогцлоох үндсэн зорилгын хүрээнд өрнөнө. Гүйгчид галт бамбарыг буухиалах (хүлээн авч, үдэн гаргах) явцдаа сургууль, цэцэрлэг, байгууллагуудаар зочлон “Эв нэгдэл надаас эхтэй” уриан дор эв найрамдал, нөхөрлөл хамгаас чухал болохыг таниулах юм. “Энхийн гүйлт” нь 35 дахь жилтэйгээ золгож байгаа бөгөөд 160 гаруй орноор аялажээ. Олон улсын Энхийн гүйлтийг Биеийн тамир, спортын улсын хорооны зүгээс дэмжин хамтран ажиллаж байна.
Намайг хандивын үйл ажиллагаанд урьж оролцуулж байгаад баярлалаа. Анх төслийн талаар надад хэлэхэд нь маш их баярлаж хүлээж авсан. Монгол Улсад анх удаагаа ирж байна. Маш сайхан хүлээж авлаа. Төсөлд оролцож байгаадаа баяртай байна. Олон хүүхдийн амь нас, эрүүл мэндийг хамгаалах нь бидний зорилго. Хандивын хүрээнд болох бүх үйл ажиллагааг хүлээж байна. Хандив их цугларвал энд байгаа зорилго маань биелж байна гэсэн үг. Хандивын үйл ажиллагаа сайхан болно гэдэгт итгэлтэй байна
Монгол Улсын иргэд визгүй зорчих орнуудын мэдээллийг 2021 оны аравдугаар сарын 01-ний байдлаар хүргэж байна.
С.Зориг агсны хөшөөний дэргэд нийслэлийн АН-аас "Монголоо Беларусь Болгохгүй!" цуглаан зохион байгуулах талаар мэдээлнэ.
Өнөөдөр Улаанбаатар хотод суурин 40 цэгт 40 багийн 147 эмч, ажилтан ажиллана. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-16:00 цаг хүртэл ажиллана.
УЛААНБААТАР ХОТ ОРЧМООР: Үүлшинэ. Хур тунадас орохгүй. Салхи баруунаас секундэд 5-10 метр. 13-15 градус дулаан байна.
Монголын сагсан бөмбөгийн холбоо өнгөрсөн сард хурлаа хийж, удирдлагуудаа шинээр сонгосон. Шинээр сонгогдсон удирдлагын багийг МҮОХ-ны ерөнхийлөгч Б.Баттүшиг өнөөдөр хүлээн авч уулзлаа. Уулзалтад МҮОХ-ны тэргүүн дэд ерөнхийлөгч Ч.Наранбаатар, дэд ерөнхийлөгч О.Одбаяр нар байлцав. Монголын сагсан бөмбөгийн холбоог төлөөлж ерөнхийлөгч Г.Батцэнгэл, дэд ерөнхийлөгч Т.Түвшинбаяр, Л.Мягмаржав, Э.Анар, ерөнхий нарийн бичгийн дарга С.Төгсжаргал нар уулзалтад оролцсон юм.
Энэ удаагийн хэлэлцүүлэг нь нийслэлийн жижиг, дунд үйлдвэр, үйлчилгээний салбарт инновац хөгжүүлэх боломж, шийдлийг хайгаад зогсохгүй шинэ санаа, шинэлэг бүтээгдэхүүн үйлдвэрлэгчдийн бүтээгдэхүүнээр үзэсгэлэн гаргаж, тэдгээр аж ахуйн нэгжүүдэд хөрөнгө санхүүгийн дэмжлэг үзүүлж буйгаараа онцлог юм.
Голомт банкны санаачлан хэрэгжүүлж буй Монголын мэдээллийн технологийн салбарынхны нэгдсэн форум Open Tech Summit-2022 яг одоо Шангри-Ла Улаанбаатарт зохион байгуулагдаж байна. Open Tech Summit-2022 нь Монголын мэдээлэл, технологийн салбарын хүрээнд болж буй анхны форум бөгөөд цаасгүй, дижитал эвент гэдгээрээ онцлогтой. Энэхүү форумын хамтран зохион байгуулагчаар CIO Club Mongolia, START, Монголын Программ Хангамж Үйлдвэрлэгчдийн Холбоо ТББ зэрэг байгууллагууд ажиллаж байна.
Сүхбаатар дүүргийн нутаг дэвсгэр дэх Шангри-Ла худалдааны төвийн хажууд иргэд дур мэдэн шөнийн цагаар түргэн үйлчилгээний цэг /ТҮЦ/ байрлуулжээ. ТҮЦ-ийг нийтийн эзэмшлийн зам талбайд байршуулсан тул Сүхбаатар дүүргийн ЗДТГ-ын холбогдох мэргэжилтнүүд тухайн иргэнтэй уулзаж, нөхцөл байдлыг тайлбарлан ойлгуулсны үндсэн дээр тус иргэн ТҮЦ-ээ өчигдөр орой нүүлгэн шилжүүллээ.
Энэ онд 386.1 мянган га-д үр тариа, үүнээс 362.7 мянган га-д улаанбуудай, 70.2 мянган га-д малын тэжээл, 66.4 мянган га-д тосны ургамал, 17.3 мянган га-д төмс, 12.0 мянган га-д хүнсний ногоо, 7.6 мянган га-д жимс жимсгэнэ, нийтдээ 559.6 мянган га–д тариалалт хийж 339.9 мянган га-д уринш боловсруулж бэлтгэх зорилт дэвшүүлж хэрэгжилтийг зохион байгуулж байна.
Тээвэрчид эцсээ хүртэл тэмцэнэ. Хуулийн байгууллагад хандана. Гадаад харилцааны сайд болон Зам тээвэр хөгжлийн сайдыг огцортол нь тэмцэнэ. Монголд энэ хүмүүсээс өөр хүн олдохгүй байна гэж үү. Ерөнхий сайдтай уулзана. Чингэлэг тээвэр гэдэг зүйлийг яриад эхлэх үед нь “Болохгүй” гэж хэлсэн.
Улсын хэмжээнд он гарсаар зам тээврийн осол 8258 бүртгэгдэж, ослын улмаас 193 хүүхэд гэмтэж, 18 хүүхдийн амь хохирсон тохиолдол бүртгэгдсэн байна. Өнгөрсөн оны үзүүлэлттэй харьцуулахад улсын хэмжээнд хөдөлгөөний аюулгүй байдал, ашиглалтын журмын эсрэг гэмт хэрэг 84.4 хувиар, гэмтсэн хүн 81.0 хувиар, нас барсан хүн 73.5 хувиар тус тус өссөн үзүүлэлттэй байна.
Цаг уурын байгууллагын ирүүлсэн мэдээллээр бэлчээрийн ургамлын ургалт 04 дүгээр сарын 30-ны байдлаар Хэнтий, Дорнод, Булган, Дархан-Уулын ихэнх, Хөвсгөл, Сэлэнгийн зарим, Увс, Төв, Өмнөговийн ганц нэг сумдын нутгаар хэвийн, Увс, Говь-Алтай, Хөвсгөл, Өвөрхангай, Орхон, Сэлэнгэ, Төв, Өмнөговь, Сүхбаатарын зарим, Ховд, Завхан, Архангайн ганц нэг сумдын нутгаар дунд буюу ургамал оройтож цухуйсан.
Дорнод аймгийн Баяндун сумын Наран багийн “Согоот” гэдэг газар хээрийн түймэр гарсан тухай дуудлагыг 05.04-ний өдрийн 13:33 цагт хүлээн авсан байна. Орон нутгийн иргэд хээрийн түймрийг унтраахаар ажиллаж 14:50 цагт цурамд оруулсан бөгөөд 15:30 цагт унтраажээ.
Өнөөдөр болох үйл явдлын тоймыг хүргэж байна.
Энэ сарын 07-нд авах Монгол хэл бичгийн дахин шалгалтад 10.000 гаруй шалгуулагч бүртгүүлээд байна. Үүнээс өмнөх шалгалтад босго оноо даваагүй буюу тэнцээгүй 5000, өмнөх шалгалтад орж чадаагүй 3600, өмнөх шалгалтад ороогүй болон энэ удаагийн шалгалтад орох нь тодорхойгүй 2000 шалгуулагч байна.