Цар тахлын улмаас танхимын сургалтын үйл ажиллагааг зогсоож теле хичээлийг эхлүүлсэн. Засгийн газар, УОК-оос танхимын хичээлийг гуравдугаар сарын 1-нээс эхлүүлэхээр бэлтгэл ажлыг зохион байгуулж буй тухай мэдэгдсэн. Гэвч хичээл, сургуулийн үйл ажиллагааг эхлүүлэх хугацааг дахин хойшлуулжээ.
Өнөөдөр аргын тооллын 2021 оны хоёрдугаар сарын 18. Пүрэв гараг. Билгийн тооллын XVII Жарны “Цөөвөр” хэмээх Цагаагчин төмөр үхэр жилийн Хаврын тэргүүн цагаан бар сарын шинийн 7. Бархасвадь гараг. Гоё хүүхэн одтой, дөрвөн ногоон мэнгэтэй улаагчин тахиа өдөр.
УЛААНБААТАР ХОТ ОРЧМООР: Багавтар үүлтэй. Цас орохгүй. Салхи баруун өмнөөс секундэд 5-10 метр. 0 хэм орчим байна.
Нийслэлийн Засаг дарга бөгөөд Улаанбаатар хотын захирагч Д.Сумъяабазар өнөөдөр Улаанбаатар хотын замын удирдлагын төв дээр ажиллалаа. Хатуу хөл хорио тогтоосон энэ үед Улаанбаатар хотын замын хөдөлгөөний нөхцөл байдал, хөдөлгөөн зохицуулалт хэрхэн хийж буйтай танилцаж, зарим үүрэг чиглэлийг холбогдох албаныханд өгсөн юм.
Нийслэлийн Засаг дарга Д.Сумъяабазар “Эрүүл мэндээ хамгаалж эдийн засгаа сэргээх” хөтөлбөрөө Засгийн газар баталсан. Энэ дагуу эдийн засгаа сэргээх арга хэмжээгээ яаралтай авахгүй бол Улаанбаатар хотын бизнес эрхлэгчид хүнд нөхцөлд байна. Бүх өрхөө шинжилгээнд хамруулах энэ ажил эдийн засгаа сэргээх хөтөлбөрийн хамгийн чухал ажил байгаа юм. Тиймээс дүүргийн Засаг дарга нар энэ ажилд онцгой анхаарал хандуулж, дүүргийн үлдсэн айл өрхүүдээ хөл хорио дуусахаас өмнө бүгдийг нь шинжилгээнд хамруулаарай” гэлээ.
Нийслэлийн Байгаль орчны газар, Нийслэлийн Мэргэжлийн хяналтын газар, Туул голын сав газрын захиргаа хамтран “Хан-Уул дүүргийн гуравдугаар хорооны нутаг дэвсгэрт Туул голд шугам хоолойгоор бохир ус хаяж байна” гэсэн иргэдээс ирүүлсэн мэдээллийн дагуу өнөөдөр газар дээр нь очиж хяналт, шалгалт хийв.
Монгол Улсын Ерөнхий сайд Л. Оюун-Эрдэнэ “Эрүүл мэндээ хамгаалах, эдийн засгаа сэргээх 10 их наядын төлөвлөгөө”-г зарлаж, энэ хүрээнд “Нэг хаалга-Нэг өрх” шинжилгээ хийж эхэлсэн. 411 мянган өрхөөс авах шинжилгээний явц одоогоор 50 гаруй хувьтай. Засгийн газар шинжилгээ дуусмагц буюу энэ сарын 23-ны өдрөөс иргэдээ үе шаттай вакцинжуулж эхлэхээр төлөвлөж байна.
Эрүүл мэндийн яамнаас "Нэг хаалга-Нэг шинжилгээ" арга хэмжээний үед иргэнд зориулсан цуврал зөвлөмжийг хүргэж байна.
ХӨСҮТ-ийн эмч эмнэлгийн ажилтнуудын цалин, урамшууллын асуудал шийдэгдсэн. Дараа гарагаас данс руу урамшуулал, цалин орно.
Мөн тусгаарлах хоног 10,14 гэж байгаа. Англи, Өмнөд Африк, Бразил гэх зэрэг улс орнууд буюу шинэ мутацид вирустай бүс нутгаас ирж байгаа иргэдийг 14 хоног тусгаарлах нь зүйтэй гэдэг саналыг ЭМЯ-наас илэрхийлсэн. Тиймээс 10,14 гэсэн хоёр шатлалтай байна. Тусгаарлалтын хоногийн төлбөрт өөрчлөлт гарч, шатлалтай болж байна.
2020 онд COVAX хөтөлбөрт орох хүсэлтээ хүргүүлсэн. Энэ цагаас эхлэн бэлтгэл ажлаа хангаж ажилласан. Уг хөтөлбөрт хамрагдаж хүн амынхаа 20 хувийг дархлаажуулах хэмжээний вакцин авах нөхцөл бүрдсэн. Дэлхий дахинд бүтээгдэж байгаа гурван өөр хэмд хадгалах горимтой вакцин хүлээж авах бэлэн байдлаа хангасан.
Өчигдрөөс эхлэн хүнсний дэлгүүрийн нийлүүлэлтийг хангах, томоохон хүнсний бөөний төвүүдийг ажиллуулж эхэлсэн. Үүнтэй холбоотой "Нэг хаалга-Нэг шинжилгээ"-ний хүрээнд эсвэл PCR шинжилгээ өгсөн бол хөдөлгөөнд оролцож болно гэсэн ойлголт байна.
ХӨСҮТ-ийн гурван лаборатори, ЗӨСҮТ-ийн лаборатори, НЭМҮТ, Дархан-Уул, Сэлэнгэ, Дорнод, Дорноговь аймгийн лаборатори, нийслэлийн Чингэлтэй, Сүхбаатар, Сонгинохайрхан, Баянгол, Хан-Уул дүүргийн салбар лабораторид нийт 38409 хүнд шинжилгээ хийлээ. Үүнээс 28 хүний шинжилгээнд коронавирус илэрлээ.
“Орон зайн дүн шинжилгээний систем”-д нийслэлийн төвийн зургаан дүүргийн коронавируст халдварын идэвхтэй 134 бүсийг тодорхойлж, шинжилгээ цуглуулах суурин болон явуулын 146 цэгийг бүртгэлжүүлэн ажиллаж байна.
УОК-ын шийдвэрийн дагуу нийслэлд 2021 оны 02-р сарын 11-ний өдрөөс эхлэн хөл хорио тогтоож, иргэдийг “Нэг өрх-Нэг шинжилгээ”-нд хамруулахаар болсон.
Монгол Улсын Шадар сайдын тушаалаар байгуулагдсан ажлын хэсэг ДЭМБ-аас өгсөн зөвлөмжийн хүрээнд олон улсын жишигт нийцүүлэн үйлдвэрлэл, үйлчилгээ зэрэгтэй холбоотой нийтлэг асуудлыг зохицуулах журам боловсрууллаа.
Малчид, иргэд, тээвэрчдэд зориулсан мэдээ: Ойрын хоногуудад ихэнх нутгаар хүйтний эрч суларна.
Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал сайн бөгөөд өнгө зүс сайжирна хэмээжээ.
Нийслэлийн Засаг дарга бөгөөд Улаанбаатар хотын Захирагч Д.Сумъяабазар нийслэлийн үйлчилгээний нэгдсэн төв Дүнжингарав дахь салбарын CallCenter-т ажиллаж, хатуу хөл хорио тогтоосон хугацаанд иргэдээс ирж буй санал хүсэлт, гомдлыг хэрхэн барагдуулж байгааг шалгалаа.
Нийслэлийн Засаг дарга бөгөөд Улаанбаатар хотын захирагч Д.Сумъяабазар "Дүнжингарав" нийслэлийн нэгдсэн үйлчилгээний цэгт ажиллаж байна.