Нийслэлийн хэмжээнд хөдөө орон нутаг руу явах иргэдийн шинжилгээг 20 цэг дээр авч байгаа. Өчигдрийн байдлаар 74 нийтийн тээврийн хэрэгслээр 2531 иргэн Улаанбаатар хотоос гарсан байна. Мөн 901 хувийн тээврийн хэрэгслээр 3710 иргэн нийслэлээс гарсан.
Нийслэлийн онцгой комиссоос мэдээлэл хийж байна
Цаг уурын байгууллагын ирүүлсэн мэдээллээр арванхоёрдугаар сарын нэгний өдрийн байдлаар манай орны ихэнх гол мөрөн битүү мөсөн бүрхүүлтэй болсон хэдий ч мөсний зузаан 2019 оны мөн үе болон олон жилийн дунджаас 10-50 см нимгэн. Мөн мөсний зузаан голын нийт уртын дагууд харилцан адилгүй байна.
Архангай аймагт тохиолдол илэрсэнтэй холбоотой тус аймгийн эрүүл мэндийн төвөөс сэтгэлзүйн багийг ажиллуулж, сэтгэлзүйн тусламж дэмжлэг үзүүлэх ажлыг зохион байгуулж байгаа. Мөн Говьсүмбэр аймагт эрсдэлтд өртөж магадгүй 76 хүүхдийн судалгааг гарган ажиллаж байна. Сэлэнгэ аймагт эцэг эх нь хөл хорионд ороод, асран хамгаалагчгүй 47 хүүхдэд, хүүхэд хамгааллын байгууллагаас хүнс бусад дэмжлэг үзүүлэх ажлыг хийж хэрэгжүүлж байгаа. 24 цагаар 108 утас ажиллаж байгаа.
Засгийн газрын хуралдаанаас гаргасан шийдвэрийн талаар Шадар сайд Я.Содбаатар мэдээлэл хийж байна.
"Монгол Улсын Засгийн газар сайжруулсан түлшний үнийг 2020 оны арванхоёрдугаар сарын 1-нээс ирэх оны 2021 оны дөрөвдүгээр сарын 1-ний өдрийг хүртэл 50 хувиар бууруулах тогтоол баталсан. Ингэснээр иргэд түлшний үнийн 50 хувийг өрхийн санхүүдээ үлдээх боломж бүрдлээ. Түлшний үнийн татаас 36 тэрбум төгрөг болж байгаа юм" гэж БОАЖ-ын сайд Д.Сарангэрэл цахим хуудсаараа мэдээллээ.
ХӨСҮТ-ийн хоёр лаборатори, ЗӨСҮТ-ийн лаборатори, Дархан-Уул, Сэлэнгэ, Орхон аймгийн лабораторид нийт 12015 хүнд шинжилгээ хийлээ. Үүнээс 259 хавьтлын шинжилгээ хийснээс 11 хүний шинжилгээнд коронавирус илэрсэн байна.
ЭМЯ-наас коронавирусийн талаар мэдээлэл хийж байна
Улсын хэмжээнд гамшгаас хамгаалах бүх нийтийн бэлэн байдлын зэрэгт шилжүүлсэн хугацаанд нийслэл хот болон аймаг, орон нутагт хязгаарлалтын дэглэмд байгаа иргэдийг батлагдсан түр журмын хүрээнд оршин суух газарт нь буцаах зохион байгуулалтын арга хэмжээ хоёр дахь өдрөө үргэлжилж байна.
“Улаанбаатар хотод бэлэн байдлын зэрэг буураагүй, цар тахлын өндөр эрсдэлтэй, хатуу хөл хорио хэвээр байгаа учраас согтууруулах ундаатай холбоотой ямар нэгэн шийдвэр гаргахгүй” хэмээлээ.
Үүлшинэ. Цас орохгүй. Салхи баруун хойноос секундэд 4-9 метр. 17-19 хэм хүйтэн байна.
Газар хагалах, ус булгийн эх малтах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
Засгийн газраас бэлэн байдлын зэргийг бууруулах тухай тогтоол гаргасан. Уг чиглэлээр нийслэлд 18 салбарын нийт 13 мянга гаруй аж ахуй нэгжийн үйл ажиллагаа өнөөдрөөс нээгдэж байгаа. Үүнтэй холбоотойгоор мэргэжлийн хяналтын байгууллагаас 18 чиглэлийн 13 мянган аж ахуй нэгжид 31 байцаагч ажиллаж, цахимаар мэдэгдлээ хүргүүлж байна. Хяналт шалгалтыг ч цахимаар хийнэ. Мөн иргэдээс цахимаар гомдол хүлээж авч байгаа. Мөн байгууллагын цахим хуудсанд зөвлөмж мэдээллийг байршуулсан.
Нийслэлийн онцгой комиссоос мэдээлэл хийж байна
Эрүүл мэндий даргын албан үүргийг түр орлон гүйцэтгэгч Н.Энхжаргал "Улаанбаатар хотоос ирсэн иргэд гэртээ байнга маск зүүнэ. Хооллох үедээ л амны хаалтаа авна. Бусад үед байнга зүүх, гараа байнга ариутгаж цэвэрлэх боломжоор хангагдсан байх ёстой. Хэрэглэх аяга, таваг гэр бүлийн гишүүдийнхээс тусдаа байна. Гэртээ 14 хоногийн дэглэм сахих ёстой. Дэглэмийг зөрчвөл хуулийн хариуцлага хүлээлгэнэ" гэдгийг онцоллоо.
Эмчилгээний зардлыг ЭМЯ дээр байгуулагдсан салбар зөвлөлийн судалгаагаар гаргасан. ДЭМБ болон бусад барууны өндөр хөгжилтэй орнуудад жишгээр нарийн гаргаж чадаагүй. Гэхдээ 6,7-8,9 сая төгрөг гэж гарсан.
Монгол Улсын Засгийн газрын 179 дүгээр тогтоолоор цар тахлаас урьдчилан сэргийлэх эрсдэлт нөхцөлд буюу халдварын голомтот бүсэд ажиллаж буй эрүүл мэнд, онцгой байдал, мэргэжлийн хяналт, цагдаа зэрэг холбогдох байгууллагын алба хаагчдад мөнгөн урамшуулал олгохоор болсон.
Хүний дархлал хомсдлын вирус, Дархлалын олдмол хомсдолтой тэмцэх дэлхийн өдөр буюу “ДОХ-той тэмцэх дэлхийн өдөр” өнөөдөр тохиож байна. Манай улсад ХДХВ/ДОХ-ын халдвараар 34 насны эрэгтэйчүүд, 55-аас дээш насны эмэгтэйчүүд ихээр өвчилжээ
ХӨСҮТ болон Цэргийн төв эмнэлэгт хэвтэн эмчлүүлж байгаа хүмүүсээс зургаан хүний биеийн байдал маш хүнд байгаа. Энэ нь коронавирусийн шалтгаанаас хүндэрч байгаа зүйл биш. Тухайн иргэд нь архаг суурь өвчин, зүрх судасны өвчтэй болон даралт ихтэй хүмүүс байна.
ХӨСҮТ-ийн хоёр лаборатори, ЗӨСҮТ-ийн лаборатори, Дархан-Уул, Сэлэнгэ аймгийн лабораторид нийт 12116 хүнд шинжилгээ хийлээ. Үүнээс 10 хүний шинжилгээнд коронавирус илэрлээ.