АНУ-ын ерөнхийлөгчийн сонгуулийн урьдчилсан дүн гарсаар байна.
Бүгд найрамдах намаас нэр дэвшигч Митт Ромни төлөөлөгчдийн саналын тоогоор илүүрхэж явсан ч дөнгөж саяхны мэдээллээр Барак Обама өрсөлдөгчөө гүйцлээ. Обама 172 санал авсан бол Митт Ромни 163 саналтай хэвээр байна.
Нэр дэвшигчдийн гарцаагүй ялах учиртай мужуудад эцсийн дүнд огцом өөрчлөлт гарсангүй. Өөр өөрсдийн ялах магадлал бүхий мужууддаа ялсаар байна.
Харин сонгуулийн дүнг аль ч зүгт эргүүлж мэдэх найман эгзэгтэй муж бий.
Тэрхүү найман мужаас Нью Хэмпширт Барак Обама 53 хувийн санал авснаар ялалт байгуулаад байгаа ба үлдсэн долоон мужийн дөрөвт нь одоогийн байдлаар Обама ялимгүй илүү саналтай явна.
Н.Өрнө