УИХ-ын гишүүн Д.Арвин МАН-аас гарах өргөдлөө өчигдөр Баянзүрх дүүргийн нэгдүгээр хорооны МАН-ын үүрт гаргасан тухай мэдээлэл сайтуудаар цацагдаж эхэллээ.
Зарим эх сурвалжийн хэлж буйгаар эрхэм гишүүнийг нам нь өнгөрөгч 2012 оны УИХ-ын сонгуулийн үеэр гадуурхан өрсөлдөгчийг илт байдлаар дэмжсэн нь ууган намаас гарах үндэслэл болсон гэсэн тайлбарыг өгч байна.
Юутай ч өчигдөрхөн намынхаа хуралд суусан Д.Арвин гишүүн сэтгүүлчдийн асуултад “Хувийн шинжтэй мэдээлэл өгмөөргүй байна” гэсэн хариултыг өгөөд байна.
Тэрбээр өнөөдөр хэвлэлийн хурал зарлаж албан ёсны мэдээллийг өгч магадгүй .