Хяналт шалгалтаар “Техтоник” ХХК, “Тайгам алтай” ХХК-иуд нь Өрсөлдөөний тухай хууль, Хэрэглэгчийн эрхийг хамгаалах тухай хуулийг тус тус зөрчиж, орон сууц худалдаалахдаа худалдан авагчдыг хууран мэхлэж, сууцны тайлбайг гэрээнд зааснаас дутуу тооцож өгсний улмаас иргэдэд их хэмжээний хохирол учруулсан нь ШӨХТГ-аас тогтоогджээ.
“Техтоник” ХХК нь 22 иргэнд 195 м.кв-ыг дутуу тооцож өгч, нийт 399,076,627 төгрөгийн хохирол учруулсан бол "Тайгам алтай” ХХК нь 47 иргэнд 166 м.кв-ыг дутуу тооцож өгч, нийт 227,025,569 төгрөгийн хохирол учруулсан нь тогтоогджээ. Иймээс “Техтоник”, “Тайгам алтай” ХХК-иудын иргэдэд учируулсан их хэмжээний хохирлыг нөхөн төлүүлэх шаардлагатай байгаа учир ШӨХТГ-аас “Техтоник” ХХК, “Тайгам алтай” ХХК-иудын барилга угсралтын ажил эрхлэх тусгай зөвшөөрлийг зөрчлийг арилгах хүртэл хугацаагаар түдгэлзүүлж өгөхийг Барилга хот байгуулалтын яамнаас хүсчээ.
Д.Цэцэг
Уншиж байна |