Нийслэлд золгүй тохиолдлоор амь насаа алдсан хэрэг нийт 16 гарсан байна. Үүнээс нь 8 нь бямба гараг буюу 2011 оны 12 дугаар сарын 31, үлдсэн 8 нь 2012 оны 01 дүгээр сарын 08-нд гарсан байна.
Тухайлбал, Баянгол дүүргийн 20 дугаар хорооны нутагт орших Тэнүүн-Огоо ХХК-ний хашаанд байрлах машины гражид нас барсан хүн байна гэсэн дуудлага 2011 оны 12 дугаар сарын 31-ний 18.30 цагт цагдаагийн байгууллагад ирсэнийг шалгахад, Баянзүрх дүүргийн дугаар хорооны иргэн 25 настай М өөрийн эзэмшлийн УБХ 6380 дугаартай машиндаа угаартсан байдалтай нас барсаныг тогтоосон байна.
Мөн энэ өдөр архи хэтрүүлэн хэрэглэж, амиа алдсан тохиолдол гарсан байна. Баянзүрх дүүргийн 2 дугаар хорооны иргэн 34 настай эмэгтэй Т нь Сүхбаатар дүүргийн 8 дугаар хороонд байрлах хамаатныдаа баяр тэмдэглэж архи ууж байгаад нас барсан байжээ.
Дээрх хэргүүдийг харьяа дүүргийн цагдаагийн хэлтэст үргэлжлүүлэн шалгаж байна.