Сэлбэ голын усыг ашиглаж, Арслантай гүүрэнд усан хөшиг хийжээ. Улаанбаатар хотын Захирагчийн Ажлын Албанаас санаачилсан усан хөшгийн нээлт өнөөдөр болов. Нээлтийн арга хэмжээнд Улаанбаатар хотын Ерөнхий менежер бөгөөд Захирагчийн Ажлын Албаны дарга Б.Бадрал, “Нийтийн үйлчилгээний Улаанбаатар нэгтгэл” НӨҮГ-ын дарга Д.Энхсайхан болон бусад холбогдох албаны хүмүүс оролцов. Хотын Ерөнхий менежер Б.Бадрал “Усан хөшиг нь харахад энгийн мөртлөө тоосжилт, эрүүл ахуйд нөлөөлж байгаа бусад сөрөг зүйлүүдийг бага ч болов бууруулах ач холбогдолтой. Бид цаашид Маршил, Дунд гол зэрэг гүүрэнд усан хөшиг хийж тохижуулахаар төлөвлөж байна” гэв.
Усан хөшгийг “Хан урсгал” ХХК хийж гүйцэтгэсэн бөгөөд ашиглалтыг “Нийтийн үйлчилгээний Улаанбаатар нэгтгэл” НӨҮГ хариуцах юм байна. Шөнийн цагаар гэрэлтэх усан хөшиг өглөөний 08.00 цагаас 23.00 цаг хүртэл ажиллах аж.
В.Бат
Уншиж байна |