Өнгөрсөн бямба гаригт буюу энэ сарын 23-ны өглөө цагдаагийн алба хаагчийн аминд хүрсэн ноцтой хэрэг гарсан.Амиа алдсан алба хаагч нь 1994 онд төрсөн, 22 настай Б гэх залуу байжээ.

2011-2015 оны байдлаар албан үүргээ гүйцэтгэж байхдаа хохирсон буюу 4 өдөр тутам нэг цагдаагийн алба хаагч гэмт хэргийн хохирогч болжээ. Харин он гарсаар 2016 оны эхний улирлын байдлаар цагдаагийн 13 алба хаагч гэмт хэрэгт өртсөн талаар Цагдаагийн ерөнхий газраас мэдээллээ. Тодруулбал 5 офицер 8 цагдаа гэмт хэрэгт өртсөнөөс хэсгийн төлөөлөгч 2, хэв журмын офицер, замын цагдаагийн байцаагч, мөрдөн байцаагч тус бүр 1, ахлагч бүрэлдэхүүнээс 8 алба хаагч хохирчээ.

Хохирсон гэмт хэргийг авч үзбэл, Захиргааны журмын эсрэг гэмт хэрэгт 8 буюу 40 хувь, хүний амь бие, эрүүл мэндийн эсрэг гэмт хэрэгт 4 буюу 20 хувь, тээврийн хэрэгслийн аюулгүй байдал, ашиглалтын журмын эсрэг гэмт хэрэгт 1 албан хаагч хохирсон байна.

Г.Тэгшсүрэн