УИХ-ын гишүүн Л.Цог өнөөдөр намаасаа гарах өргөдлөө өгчээ. Тэрбээр өнгөрсөн сард УИХ-ын гишүүн Г.Уянгын хамтаар МАХН-МҮАН-ын Шударга ёс эвслийн бүлгээс гарсан. Харин өнөөдөр МАХН-ын гишүүнчлэлээс татгалзах хүсэлтээ албан ёсоор өгчээ. Л.Цог намын дарга Н.Энхбаяртайгаа түнжин муудаж, МАХН-ынхан түүнийг “хөгийн авлигач, урвагч” хэмээн нэрлээд байсан юм.
Ингэж намаасаа татгалзсан Л.Цог УИХ-ын гишүүн Г.Уянгын удирдаж буй Тусгаар тогтнол Эв нэгдлийн намд элсэх нь тодорхой болов. Тэрбээр тус намын анхны их хурал дээр очиж, шинэ улс төрийн хүчнийг дэмжихээ илэрхийлсэн билээ.
Сонгуулийн өмнө намаасаа татгалзсан өөр нэг хүн нь Нарантуулын босс Ш.Сайхансамбуу юм. Тэрбээр өчигдөр МАН-аас гарах өргөдлөө өгчээ. МАН-ынхан түүнд сонгуулийн тойрог өгөхгүй байгаагаас үүдэж, намаасаа татгалзсан гэх сураг байна. Ш.Сайхансамбуу Тусгаар тогтнол Эв нэгдлийн намд элсч, Г.Уянгатай хамтрахаар шийдсэн байж болзошгүй юм.
В.Бат
Уншиж байна |