НҮБ-д суугаа ОХУ-ын төлөөлөгч Виталий Чуркин зүрхний шигдээсийн улмаас нас барсан юм. Чуркин 65 нас хүрэхээсээ нэгхэн өдрийн өмнө ийнхүү таалал төгссөн байна.
НҮБ-ын Аюулгүй зөвлөл өчигдөр хуралдаан зохион байгуулах үеэрээ Чуркинд хүндэтгэл үзүүлжээ. Аюулгүй зөвлөлийн 15 орны төлөөлөгчид уг хуралдаанд оролцож, Чуркиний гэр бүлд эмгэнэл илэрхийлэн, нэг минут дуугаа хураан зогсчээ.
Чуркиний үхэлтэй холбогдуулан НҮБ-ын гишүүн орнууд ОХУ-д эмгэнэл илэрхийлсээр байгаа юм. Тэгвэл Украин улс эмгэнэл илэрхийлэхээс татгалзсан талаар “Ройтерс” агентлаг мэдээллээ. Тус улсын Гадаад хэргийн сайд Павел Климкин хэвлэлийн хурал хийх үеэрээ “эмгэнэл илэрхийлэхгүй” гэсэн байна.
Чуркин 2006 оноос хойш тасралтгүй эх орноо НҮБ-д төлөөлсөн билээ.
Б.Дэлгэрцэцэг
Уншиж байна |