Монгол Улсын гарьд цолонд хүндэтгэл үзүүлэх барилдаан өчигдөр /2017.04.23/ Монгол бөхийн өргөөнд боллоо.

Хүчит 256 бөхийн барилдаанд Улаангом сумын харьяат улсын харцага Ө.Бат-Орших түрүүлж, харцага Б.Бат-Өлзий үзүүрлэв. Их шөвөгт арслан Н.Батсуурь, заан Б.Пүрэвсайхан нар шалгарлаа.

Тус барилдаанд улсын арслан Н.Батсуурь, Р.Пүрэвдагва, заан Б.Пүрэвсайхан, Т.Санчир, Б.Соронзонболд, харцага Ө.Бат-Орших, Б.Бат-Өлзий, начин Э.Энхбат, Ч.Цогбаяр тэргүүтэй хүчит бөх зодоглосон юм.

Улсын харцага Ө.Бат-Орших энэ сарын 9-нд болсон Ардчилсан нам байгуулагдсаны 27 жилийн ойд зориулсан барилдаан түрүүлсэн билээ.

Г.Тэгшсүрэн