Багш болон эмч нарын цалингийн зээлийг хүүг бууруулж, шимтгэлийг тэглэхээр болжээ. Энэ талаар өнөөдөр /2047.05.19/ Хөдөлмөр, нийгмийн хамгааллын сайд Н.Номтойбаяр мэдээлэл хийлээ.

Иргэд цалингийн зээлийг жилд 21-23 хувийн хүүтэй авч байна.  ХНХЯ-наас зарим арилжааны банктай гэрээ байгуулж цалингийн зээлийг жилд 18 хувийн хүүтэй авах  боломжийг бүрдүүлжээ. Ингэснээр төрийн өмчийн сургууль, цэцэрлэгийн багш, эмнэлэгийн 91,373 гаруй эмч ажилтнууд цалингийн зээлийг 18 хувийн хүүтэй шимтгэлийн хураамжгүй авах боломжтой боллоо.

Хөнгөлөлттэй зээлд хамрагдахыг хүсэгч нь нийгмийн даатгалын шимтгэлийг 5 жилээс доошгүй, сүүлийн 12 сард тасралтгүй төлсөн байх ёстой бөгөөд зээлийн дүн нь  зургаан сарын цалингаас хэтрэхгүй байх шаардлагыг хангасан байх аж. Хэрэв үүнээс өндөр дүнгээр зээл авахыг хүсвэл банк өөрийн эх үүсвэрээс дотоод нөхцлийнхөө журмаар зээл олгох юм байна.

Г.Тэгшсүрэн