Ерөнхийлөгчийн сонгуультай холбогдуулан өнөөдөр УИХ-ын дэд дарга Ц.Нямдорж сэтгүүлчдийн сонирхсон асуултад хариулсан. Үүний дараагаар МАН-ын  дотоод асуудлаар Ерөнхий сайд Ж.Эрдэнэбат, Шадар сайд У.Хүрэлсүх нар дараах тайлбарыг хийсэн юм.

 Ерөнхий сайд Ж.Эрдэнэбат: Хувьцааны ханш буурч байна

-Улс төрийн хүчнүүд сонгуулийн үр дүнгээ дүгнээд хуралддаг. МАН-ын Удирдах зөвлөл УИХ дахь бүлэгтэй  хамтарч хуралдсан. Өөрсдийн нам дотроо хагарч болно, хүний намыг битгий хагал гэж хэлмээр байна. Сошиалаар зохион байгуулалттай зүйл хийж байгаа нь үнэхээр  харамсалтай.

-Хувьцааны ханш буурсан нь үнэн үү?

- Засгийн газрын хувьцаанд өөрчлөлт орж байгаа. Аж ахуй нэгж байгууллагуудын хувьцааны үнэ ханш ч тодорхой хэмжээгээр буурч байна.

Шадар сайд У.Хүрэлсүх: Хатуу үг шидэлцээгүй

Би Монгол Улсын Ерөнхий сайдын дор ажилладаг хүн. Засгийн газар танхимын зарчмаар ажилладаг. Ажиглаад байхад сонгууль их хар болж байна. Манай хурлаар дараагийн сонгуулиар яаж ажиллахаа ярьсан. Ерөнхий сайд бид хоёр хоорондоо хатуу хөтүү үг шидэлцсэн зүйл байхгүй. Тиймээс тайван амгалан байцгаах хэрэгтэй.

-Намын даргадаа хариуцлага тооцох асуудал яригдсан уу?

Сонгууль дуусаагүй байна. Сонгуулийн үр дүн гарсны дараа хэлэлцэнэ. Онцгой байдлын сайдын хувьд гал, ус, сонгууль гурвыг битгий харьцуулж ярьж байна. 

Н.Энх