Английн аварга Челси клуб шинэ улирлын эхлэлийг тун тааруу хийж Бөрнлид ялагдал хүлээсэн. Хоёр ч улаан хуудастай үдсэн уг тоглолтын дараа багийн эзэн Роман Абрамович нэгийг бодсон бололтой. Тэрбээр Итали мэргэжилтэн Антонио Контетой дахин зөвлөлдөж, довтолгооны хүчээ нэмэгдүүлэх тал дээр ажиллах болжээ.

Челсигийн энэ зуны төлөвлөгөөнд Саутхэмптоны хамгаалагч Виржил ван Дейк, Лестер сити багийн хагас хамгаалагч Дэнни Дринкуотер нар багтаж байсан бол өөр нэгэн шинэ тоглогчийг энэ жагсаалтад оруулж ирсэн нь Арсеналын хагас хамгаалагч Алекс Окслэйд-Чемберлен гэнэ.

Саутхэмптоны академийн шилдэг төгсгөгчдийн нэг тэрбээр 2011 оноос хойш Арсеналын төлөө тоглож 195 тоглолтод 20 гоол оруулсан байдаг. Зарим эх сурвалжийн мэдээлж байгаагаар Челсигийн удирдлагууд түүний төлөө 120 сая фунтын санал хүргүүлэхээр зэхэж байгаа гэнэ.     

Г.Баяраа